‘ഒറ്റക്കെട്ടായി വയനാടിന് പന്തു തട്ടാം’ – മലപ്പുറമൊരുങ്ങുന്നു ; മത്സരം ആഗസ്റ്റ് 30ന്

മ​ല​പ്പു​റം: വ​യ​നാ​ട് ഉ​രു​ൾ​പൊ​ട്ട​ലി​ൽ ദു​രി​ത​ബാ​ധി​ത​ർ​ക്ക്​ കൈ​ത്താ​ങ്ങാ​കാ​ൻ അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​നും മലപ്പുറവും ഒരുങ്ങുന്നു. ‘ഒ​റ്റ​ക്കെ​ട്ടാ​യി വ​യ​നാ​ടി​ന് പ​ന്തു ത​ട്ടാം’ എ​ന്ന പേ​രി​ൽ സം​ഘ​ടി​പ്പി​ക്കു​ന്ന ചാ​രി​റ്റി ഫുട്ബാൾ മ​ത്സ​രം ആ​ഗ​സ്റ്റ്​ 30ന്​ ​മ​ഞ്ചേ​രി പ​യ്യ​നാ​ട്​ സ്​​റ്റേ​ഡി​യ​ത്തി​ൽ ന​ട​ക്കും. സൗ​ഹൃ​ദ​മ​ത്സ​ര​ത്തി​ൽ സൂ​പ്പ​ർ ലീ​ഗ് കേ​ര​ള ടോ​പ് ഇ​ല​വ​നും മു​ഹ​മ്മ​ദ​ൻ സ്പോ​ർ​ട്ടി​ങ് ക്ല​ബും ഏ​റ്റു​മു​ട്ടും. രാ​ത്രി 7.30നാ​ണ്​ മ​ത്സ​രം.

സെ​പ്​​റ്റം​ബ​ർ ഏ​ഴി​ന് തു​ട​ങ്ങാനിരിക്കുന്ന സൂ​പ്പ​ർ ലീ​ഗ്​ കേ​ര​ള​യി​ൽ മത്സരിക്കു​ന്ന ആ​റ്​ ടീ​മു​ക​ളി​ൽ​ നി​ന്ന്​ തി​ര​ഞ്ഞെ​ടു​ക്കു​ന്ന താ​ര​ങ്ങ​ളാ​ണ് കേ​ര​ള ടോ​പ് ഇ​ല​വ​നി​ൽ ബൂ​ട്ടു​കെ​ട്ടു​ക. ദു​ര​ന്ത​ങ്ങ​ളി​ൽ നാ​ശ​ന​ഷ്ടം സം​ഭ​വി​ച്ച​വ​ർ​ക്ക് പി​ന്തു​ണ​യേ​കു​ന്ന​തി​ന്​ പ​ണം ക​ണ്ടെ​ത്താ​നാ​ണ്​ ഫു​ട്ബാ​ൾ പ്ര​തി​ഭ​ക​ളെ ഒ​രു​മി​ച്ചു​കൂ​ട്ടി മ​ത്സ​രം സം​ഘ​ടി​പ്പി​ക്കു​ന്ന​ത്. മ​ത്സ​ര​ത്തി​ൽ​നി​ന്നു​ള്ള വ​രു​മാ​ന​ത്തി​നോ​ടൊ​പ്പം വ​യ​നാ​ട്ടി​ലെ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ളെ സ​ഹാ​യി​ക്കാ​നാ​യി സൂ​പ്പ​ർ ലീ​ഗ് കേ​ര​ള​യും സം​ഭാ​വ​ന ന​ൽ​കു​മെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

പ​യ്യ​നാ​ട്ട് സം​ഘ​ടി​പ്പി​ക്കു​ന്ന സൗ​ഹൃ​ദ​​മ​ത്സ​രം കേ​വ​ലം ഫു​ട്ബാ​ൾ ആ​ഘോ​ഷം മാ​ത്ര​മ​ല്ല വ​യ​നാ​ട്ടി​ലെ ന​മ്മു​ടെ സ​ഹോ​ദ​ര​ങ്ങ​ൾ​ക്കു വേ​ണ്ടി​യു​ള്ള ക​രു​ത​ലും ശ​ക്തി​പ​ക​രാ​നു​ള്ള അ​വ​സ​രം കൂ​ടി​യാ​ണെ​ന്നും സൂ​പ്പ​ർ ലീ​ഗ് കേ​ര​ള സി.​ഇ.​ഒ മാ​ത്യു ജോ​സ​ഫ് പ​റ​ഞ്ഞു. ഈ ​മ​ത്സ​ര​ത്തി​ലൂ​ടെ ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ​ക്ക് ആ​വ​ശ്യ​മാ​യ ഫ​ണ്ട് സ്വ​രൂ​പി​ക്കു​ന്ന​തി​നാ​യി ഫു​ട്ബാ​ളി​നെ നെ​ഞ്ചി​ലേ​റ്റി​യ മ​ല​യാ​ളി​ക​ൾ ഒ​ത്തു​ചേ​രു​മെ​ന്നാ​ണ് ഞ​ങ്ങ​ൾ പ്ര​തീ​ക്ഷി​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ലീ​ഗി​ൽ തി​ര​ഞ്ഞെ​ടു​ക്ക​പ്പെ​ട്ട പ​രി​ച​യ​സ​മ്പ​ന്ന​രെ​യും യു​വ​നി​ര​യെ​യും കോ​ർ​ത്തി​ണ​ക്കി​യാ​യി​രി​ക്കും സൂ​പ്പ​ർ ലീ​ഗ് കേ​ര​ള ടോ​പ് ഇ​ല​വ​ൻ ടീ​മി​നെ അ​ണി​നി​ര​ത്തു​ക. പ്ര​മു​ഖ താ​ര​ങ്ങ​ളാ​യ ആ​ദി​ൽ ഖാ​ൻ, അ​സി​യ​ർ ഗോ​മേ​സ്, പാ​ട്രി​ക് മോ​ട്ടാ ഉ​ൾ​പ്പെ​ടെ​യു​ള്ള​വ​ർ സൂ​പ്പ​ർ ലീ​ഗ് കേ​ര​ള ടോ​പ് ഇ​ല​വ​നി​ൽ സ്ഥാ​ന​മു​റ​പ്പി​ച്ചി​ട്ടു​ണ്ട്. മ​റ്റു ക​ളി​ക്കാ​ർ ആ​രൊ​ക്കെ​യെ​ന്ന്​ ഉ​ട​നെ പ്ര​ഖ്യാ​പി​ക്കും. സൂ​പ്പ​ർ ലീ​ഗി​നെ​ത്തി​യ മി​ക​ച്ച താ​ര​ങ്ങ​ളെ പ​ര​മാ​വ​ധി ഉ​ൾ​പ്പെ​ടു​ത്തി ആ​രാ​ധ​ക​ർ​ക്ക് അ​വി​സ്മ​ര​ണീ​യ മ​ത്സ​രാ​നു​ഭൂ​തി ന​ൽ​കാ​നാ​ണ് സം​ഘാ​ട​ക​ർ ല​ക്ഷ്യ​മി​ടു​ന്ന​ത്.

മു​ഹ​മ്മ​ദ​ൻ​ ക്ല​ബും മു​ൻ​നി​ര​യെ മ​ത്സ​രി​പ്പി​ക്കു​മെ​ന്നാ​ണ്​ സൂ​ച​ന. ജോ​സ​ഫ് അ​ട്ജെ​യ്, പ​ദം ഛേത്രി, ​അ​ല​ക്സി​സ് നാ​ഹു​ൽ ഗോ​മെ​സ്, കാ​ർ​ലോ​സ് ഹെൻറി​ക് ഫ്രാ​ൻ​സ് ഫ്രേ​ഇ​ർ​സ്, അ​ബ്ദു​ൽ കാ​തി​രി ഉ​ൾ​പ്പെ​ടെ​യു​ള്ള പ്ര​മു​ഖ​ർ മു​ഹ​മ്മ​ദ​ൻ സ്പോ​ർ​ട്ടി​ങ് ക്ല​ബി​നാ​യി അ​ണി​നി​ര​ക്കു​മെ​ന്ന്​ ഉ​റ​പ്പാ​യി​ട്ടു​ണ്ട്.

ടി​ക്ക​റ്റു​ക​ൾ Paytm Insider വ​ഴി​യാ​ണ്​ ല​ഭ്യ​മാ​ക്കു​ന്ന​ത്. സ്​​റ്റേ​ഡി​യ​ത്തി​ന്​ സ​മീ​പ​വും ഓ​ൺ​ലൈ​നാ​യി ടി​ക്ക​റ്റെ​ടു​ക്കാ​ൻ സൗ​ക​ര്യ​മൊ​രു​ക്കും. 199 രൂ​പ മു​ത​ൽ 500 രൂ​പ വ​രെു​ള്ള ടി​ക്ക​റ്റാ​ണ്​ പൊ​തു​ജ​ന​ങ്ങ​ൾ​ക്കാ​യി ന​ൽ​കു​ന്ന​ത്. ഇ​തി​നൊ​പ്പം പ്രീ​മി​യം ടി​ക്ക​റ്റു​ക​ളും സം​ഘാ​ട​ക​രു​ടെ നേ​തൃ​ത്വ​ത്തി​ൽ വി​ത​ര​ണം ചെ​യ്യും.