ധാക്ക : പുറത്താക്കപ്പെട്ട പ്രധാനമന്ത്രി ഷെയ്ഖ് ഹസീനയുടെ ഭരണകാലത്തെ ‘നിർബന്ധിത തിരോധാന’ സംഭവങ്ങളിൽ ഇന്ത്യക്ക് ‘പങ്കാളിത്ത’മുണ്ടെന്ന് കണ്ടെത്തി ബംഗ്ലാദേശ്. ഇടക്കാല സർക്കാർ രൂപീകരിച്ച അന്വേഷണ കമ്മീഷൻ്റെ റിപ്പോർട്ട് ഉദ്ധരിച്ച് സർക്കാർ വാർത്താ ഏജൻസിയായ ബിഎസ്എസ് ശനിയാഴ്ച പുറത്തുവിട്ടതാണ് ഇക്കാര്യം.
“ബംഗ്ലദേശിലെ നിർബന്ധിത തിരോധാനങ്ങളുടെ സമ്പ്രദായത്തിൽ ഇന്ത്യയുടെ പങ്കാളിത്തം പൊതു രേഖയാണ്.” ബംഗ്ലാദേശ് സംഗ്ബാദ് സംഗസ്ത (BSS) പറഞ്ഞു, .
“ഇന്ത്യയിൽ ഇപ്പോഴും തടവിൽ കഴിയുന്ന ഏതെങ്കിലും ബംഗ്ലാദേശി പൗരന്മാരെ തിരിച്ചറിയുന്നതിനുള്ള പരമാവധി ശ്രമങ്ങൾ വിപുലീകരിക്കാൻ ഞങ്ങൾ വിദേശ, ആഭ്യന്തര മന്ത്രാലയങ്ങളോട് ശുപാർശ ചെയ്യുന്നു. ബംഗ്ലാദേശിന് പുറത്ത് ഈ പാത പിന്തുടരുന്നത് കമ്മീഷൻ്റെ അധികാരപരിധിക്ക് അപ്പുറമാണ്.” കമ്മീഷൻ പറഞ്ഞു.
ഇന്ത്യയും ബംഗ്ലദേശും തമ്മിലുള്ള ബന്ദികളുമായുള്ള കൈമാറ്റ രീതിയെക്കുറിച്ചും തടവുകാരുടെ തുടർന്നുള്ള വിധിയെക്കുറിച്ചുമുള്ള രഹസ്യാന്വേഷണ വിവരങ്ങൾ കണ്ടെത്തിയതായി കമ്മീഷൻ വ്യക്തമാക്കുന്നു.
അത്തരം പ്രവർത്തനങ്ങൾ എങ്ങനെ നടത്തി എന്നതിനെക്കുറിച്ചുള്ള മൂല്യവത്തായ ഉൾക്കാഴ്ചകൾ നൽകുന്ന വളരെ പ്രചാരത്തിലുള്ള രണ്ട് കേസുകൾ കമ്മീഷൻ ഉദ്ധരിച്ചു. അതിലൊന്ന്, ബംഗ്ലാദേശ് സുപ്രീം കോടതി വളപ്പിൽ നിന്ന് തട്ടിക്കൊണ്ടുപോയി ഇന്ത്യൻ ജയിലിൽ തിരിച്ചെത്തിയ ശുഖ്‌രഞ്ജൻ ബാലിയുടെ കേസും മറ്റൊന്ന് ബംഗ്ലാദേശ് നാഷണലിസ്റ്റ് പാർട്ടി (BNP) നേതാവ് സലാഹുദ്ദീൻ അഹമ്മദിൻ്റെതാണെന്നുമാണെന്നാണ് കമ്മീഷൻ വിശദീകരിക്കുന്നത്. ബിഎൻപി നേതാവ് അഹമ്മദിൻ്റെ കേസ് “ബംഗ്ലാദേശ്-ഇന്ത്യ റെൻഡേഷൻ സമ്പ്രദായത്തിൻ്റെ ഉദാഹരണമാണ്” – കമ്മീഷൻ പറയുന്നു.
2015-ൽ ധാക്കയിലെ ഉത്തരാ പ്രദേശത്തെ ഒരു വീട്ടിൽ ഒളിച്ചിരിക്കുമ്പോൾ അടച്ചിട്ട ഒരു സെല്ലിൽ തടവിലാക്കപ്പെട്ടു. അവിടെ നിലത്തെ ഒരു ദ്വാരം കക്കൂസായി ഉപയോഗിക്കേണ്ടി വന്നെന്നും അതിൽ പറയുന്നു. “അദ്ദേഹത്തിന് നൽകിയ പുതപ്പിൽ “ടിഎഫ്ഐ” എന്ന അക്ഷരങ്ങൾ ഉണ്ടായിരുന്നു. ഇത് “ചോദ്യം ചെയ്യാനുള്ള ടാസ്‌ക് ഫോഴ്‌സ്” എന്ന് സൂചിപ്പിക്കുന്നതായും റിപ്പോർട്ട് കൂട്ടിച്ചേർത്തു. ആ കാലയളവിൽ “അവർക്ക് അറിയാവുന്ന ഒരേയൊരു പ്രവർത്തന TFI കേന്ദ്രം RAB ഹെഡ്ക്വാർട്ടേഴ്‌സിൻ്റെ കീഴിൽ പ്രവർത്തിക്കുന്ന റാപ്പിഡ് ആക്ഷൻ ബറ്റാലിയൻ (RAB) ഇൻ്റലിജൻസ് വിംഗാണ് കൈകാര്യം ചെയ്തിരുന്നത് എന്നും കമ്മീഷൻ പറയുന്നു.
അതിനുശേഷം, അവർ ഈ സ്ഥലം സന്ദർശിക്കുകയും RAB ഇൻ്റലിജൻസ് വിംഗ് ഇപ്പോഴും ഇതിലേക്കുള്ള പ്രവേശനം നിയന്ത്രിക്കുന്നുണ്ടെന്ന് സ്ഥിരീകരിച്ചതായും കമ്മീഷൻ പറഞ്ഞു. “എന്നിരുന്നാലും, ‘ ഉൾവശം കുറച്ചുകാലം മുമ്പ് പൂർണ്ണമായും നശിപ്പിച്ചിരുന്നു.” കമ്മീഷനെ ഉദ്ധരിച്ച് വാർത്താ ഏജൻസിയായ പിടിഐ റിപ്പോർട്ട് പറഞ്ഞു
