കെഎസ്ആർടിസി ബസ്സിടിച്ച്  രണ്ട് സ്ത്രീകൾക്ക് ദാരുണാന്ത്യം ; അപകടം റോഡ് മുറിച്ചു കടക്കുന്നതിനിടെ

(പ്രതീകാത്മക ചിത്രം)

തൃശൂർ : തൃശൂർ ഒല്ലൂരിൽ കെഎസ്ആർടിസി സ്വിഫ്റ്റ് ബസ് ഇടിച്ചുണ്ടായ അപകടത്തിൽ രണ്ട് സ്ത്രീകൾ മരിച്ചു. ചീയാരം സ്വദേശികളായ പൊറാട്ടുകര വീട്ടിൽ എൽസി (72), മേരി (73) എന്നിവരാണ് മരിച്ചത്. 
രാവിലെ ആറ് മണിയോടെ അപകടമുണ്ടായത്. 

പള്ളിയിലേക്ക് പോകുന്നതിനായി റോഡ് മുറിച്ചു കടക്കുന്നതിനിടയിൽ ഒല്ലൂർ ചിയ്യാരം ഗലീലിക്ക് സമീപത്ത് വെച്ചാണ് സ്ത്രീകളെ കെഎസ്ആർടിസി സ്വിഫ്റ്റ് ബസ് ഇടിച്ചത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.