കാസർഗോഡ് : നീലേശ്വരം വെടിക്കെട്ട് അപകടത്തിൽ പരുക്കേറ്റ് ചികിത്സയിലായിരുന്ന ചെറുവത്തൂർ സ്വദേശി ഷിബിൻ രാജ് (19) മരിച്ചു. ഇതോടെ മരണസംഖ്യ നാലായി. 60 ശതമാനത്തിലേറെ പൊള്ളലേറ്റ ഷിബിൻ രാജ് ഗുരുതരാവസ്ഥയിലായിരുന്നു.
കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്ന കൊല്ലംപാറയിലെ ബിജു, കിണാവൂർ സ്വദേശി രതീഷ്, കിണാവൂർ റോഡിലെ സി.സന്ദീപ് എന്നിവരാണു മരിച്ച മറ്റു മൂന്നുപേർ. ബിജു ഞായറാഴ്ച രാത്രി 10 മണിയോടെയും രതീഷ് ഞായറാഴ്ച്ച പുലർച്ചെയും കിണാവൂരിലെ സന്ദീപ് ശനിയാഴ്ച വൈകിട്ടുമാണ് മരിച്ചത്.
ഒക്‌ടോബർ 28ന് അർധരാത്രി നീലേശ്വരം അഞ്ഞൂറ്റമ്പലം വീരർകാവിൽ കളിയാട്ടത്തിനിടെയാണ് വെടിക്കെട്ടപകടം ഉണ്ടായത്. അപകടത്തിൽ 154 പേർക്ക് പരുക്കേറ്റിരുന്നു. കൂടുതൽ പൊള്ളറ്റേവർ മംഗളൂരു, കാസർകോട്, കാഞ്ഞങ്ങാട്, കണ്ണൂർ, കോഴിക്കോട് എന്നിവിടങ്ങളിലെ സ്വകാര്യ ആശുപത്രികളിലും കാഞ്ഞങ്ങാട് ജില്ലാ ആശുപത്രി, പരിയാരം ഗവ. മെഡിക്കൽ കോളജ് ആശുപത്രി എന്നിവിടങ്ങളിലുമാണ് ചികിത്സയിലുള്ളത്.
