എം.ആർ. അജിത് കുമാറിനെതിരെ പരാതി നൽകി ഇന്‍റലിജന്‍സ് വിഭാഗം മേധാവി പി. വിജയൻ ; നടപടി വേണമെന്നും ആവശ്യം

Date:

തിരുവനന്തപുരം: എഡിജിപി എം.ആർ. അജിത് കുമാറിനെതിരെ പരാതി നൽകി ഇന്‍റലിജന്‍സ് വിഭാഗം മേധാവി പി. വിജയൻ. തനിക്ക് സ്വർണക്കടത്തുമായി ബന്ധമുണ്ടെന്ന് അന്വേഷണ സംഘത്തിന് അജിത് കുമാർ നൽകിയ മൊഴി കള്ളമാണെന്നാണ് വിജയൻ ഡിജിപിക്ക് സമർപ്പിച്ച പരാതിയിൽ പറയുന്നത്. ഇക്കാര്യത്തിൽ നടപടി വേണമെന്നും അദ്ദേഹം ആവശ്യപ്പെടുന്നു. ഡിജിപിക്ക് ലഭിച്ച പരാതി തുടർനടപടികൾക്കായി സർക്കാറിന് കൈമാറി.

പിവി അൻവർ എംഎൽഎ അജിത് കുമാറിനെതിരെ ഉന്നയിച്ച ആരോപണങ്ങളിൽ അന്വേഷണം നടത്താൻ സർക്കാർ ഡിജിപി എസ്. ദർവേഷ് സാഹിബിന്റെ നേതൃത്വത്തിലുള്ള അന്വേഷണസമിതിയെ നിയോ​ഗിച്ചിരുന്നു. ഈ സമിതിക്ക് മുന്നിലാണ് അജിത് കുമാർ പി. വിജയനെതിരേ മൊഴി നൽകിയത്. പി. വിജയന് കരിപ്പൂരിലെ സ്വർണക്കടത്ത് സംഘങ്ങളുമായി ബന്ധമുണ്ടെന്ന് എസ്പി സുജിത് ദാസ് തന്നോട് പറഞ്ഞിട്ടുണ്ടെന്നായിരുന്നു എഡിജിപിയുടെ മൊഴി. എന്നാൽ, സുജിത് ദാസ് ഇക്കാര്യം നിഷേധിച്ചു.

നേരത്തെ 2023 ൽ, പി വിജയനെ സസ്പെന്‍ഡ് ചെയ്യാൻ ഇടയാക്കിയതും എം.ആര്‍. അജിത് കുമാർ നൽകിയ റിപ്പോര്‍ട്ടിന്‍റെ അടിസ്ഥാനത്തിലായിരുന്നു. കോഴിക്കോട്ട് ട്രെയിനില്‍ തീവെച്ച സംഭവത്തില്‍ പ്രതിയുടെ വിവരങ്ങള്‍ ചോര്‍ത്തിയെന്ന അന്വേഷണ റിപ്പോർട്ടിലായിരുന്നു സസ്പെൻഷൻ.  തുടർ അന്വേഷണത്തിൽ ഉന്നത ഉദ്യോ​ഗസ്ഥർ അജിത് കുമാറിന്റെ റിപ്പോർട്ട് തള്ളിയതോടെയാണ് സി വിജയൻ വീണ്ടും സർവ്വീസിൽ തിരിച്ചെത്തിയത്.

Share post:

Popular

More like this
Related

എംഡിഎംഎയും കഞ്ചാവുമായി തൃശ്ശൂര്‍ സ്വദേശിനി എറണാകുളത്ത് പിടിയിൽ

കൊച്ചി: രാസലഹരിയും കഞ്ചാവുമായി യുവതി എറണാകുളത്ത് പിടിയില്‍. തൃശ്ശൂര്‍ ചിയ്യാരം വള്ളിക്കുളം...

ട്രാക്കിൽ മരം വീണു ;തടസ്സപ്പെട്ട ട്രെയിൻ ഗതാഗതം മണിക്കൂറുകൾക്ക് ശേഷം പുന്ന സ്ഥാപിച്ചു

തിരുവനന്തപുരം∙ വിവിധ സ്ഥലങ്ങളിൽ റെയിൽവെ ട്രാക്കിലേക്ക് മരങ്ങൾ വീണതിനെ തുടർന്നു വൈകിട്ടോടെ...

മഴ ശക്തമായി : ഭൂതത്താൻകെട്ട് ഡാം മുഴുവനായും തുറന്നു

കൊച്ചി : മഴ ശക്തമായതോടെ ഭൂതത്താൻകെട്ട് ഡാമിൻ്റ മുഴുവൻ ഷട്ടറുകളും ഉയർത്തി....

വെടിനിർത്തലിൽ താരിഫ് വിഷയം ചർച്ചകളുടെ ഭാഗമേ ആയിരുന്നില്ല ; ട്രംപിൻ്റെ അവകാശവാദത്തെ തള്ളി ഇന്ത്യ

ന്യൂഡൽഹി : ഓപ്പറേഷൻ സിന്ദൂരിന് ശേഷമുണ്ടയ ഇന്ത്യ-പാക് സംഘർഷത്തിൽ വെടിനിർത്തൽ പ്രഖ്യാപിച്ചത്...