ഡൽഹിക്ക് വീണ്ടും വനിത മുഖ്യമന്ത്രി ; രേഖ ഗുപ്ത വ്യാഴാഴ്ച സത്യപ്രതിജ്ഞ ചെയ്യും

Date:

ന്യൂഡൽഹി : ഡൽഹിയിയുടെ അടുത്ത മുഖ്യമന്ത്രിയായി രേഖ ഗുപ്ത വ്യാഴാഴ്ച സത്യപ്രതിജ്ഞ ചെയ്ത്  അധികാരമേൽക്കും.  ഇതോടെ ഡൽഹിയുടെ നാലാമത്തെ വനിത മുഖ്യന്ത്രിയായി രേഖയുടെ പേര് ചരിത്രത്തിൽ എഴുതിച്ചേർക്കപ്പെടും. ഷാലിമാർ ബാഗിൽ നിന്ന് തിരഞ്ഞെടുക്കപ്പെട്ട പഴയ ആർ‌എസ്‌എസ് നേതാവും ബിജെപിയിലെ മറ്റൊരു പ്രമുഖ ബനിയ നേതാവുമാണ് രേഖ ഗുപ്ത.

വ്യാഴാഴ്ച ചരിത്രപ്രസിദ്ധമായ രാംലീല മൈതാനത്താണ് രേഖ ഗുപ്തയുടെ സത്യപ്രതിജ്ഞ ചടങ്ങ് നടക്കുക. ഷാലിമാർ ബാഗ് സീറ്റിൽ ആം ആദ്മി പാർട്ടിയുടെ ബന്ദന കുമാരിയെയും കോൺഗ്രസിന്റെ പർവീൺ കുമാർ ജെയിനിനെയും പരാജയപ്പെടുത്തിയാണ് രേഖ ഗുപ്ത സൽഹി നിയമസഭയിലെത്തുന്നത്. 29.595 വോട്ടുകളുടെ ഭൂരിപക്ഷത്തിലാണ് രേഖയുടെ വിജയം.

ഫെബ്രുവരി 8 ന് നടന്ന നിയമസഭാ തെരഞ്ഞെടുപ്പിൽ ബിജെപി നേടിയ നിർണായക വിജയത്തെത്തുടർന്ന്, ഡൽഹിക്കായി ഒരു വനിതാ മുഖ്യമന്ത്രിയെ ബിജെപി നിർദ്ദേശിക്കുമെന്ന് ധ്വനിയുണ്ടായിരുന്നു.  രേഖ ഗുപ്തയുടെ പേരും പ്രധാന സ്ഥാനാർത്ഥികളിൽ ചർച്ച ചെയ്യപ്പെട്ടിരുന്നു. ഡൽഹിയിൽ വലിയ വോട്ടർ അടിത്തറയുള്ള ബനിയ സമുദായത്തിൽ നിന്നുള്ള നേതാവെന്ന നിലയിൽ രാജ്യതലസ്ഥാനത്തെ  നയിക്കാൻ രേഖയെ പാർട്ടി നിയമിച്ചേക്കുമെന്ന സൂചനയുണ്ടായിരുന്നു. വിജേന്ദർ ഗുപ്ത, രേഖ ഗുപ്ത, ജിതേന്ദർ മഹാജൻ എന്നീ മൂന്ന് നേതാക്കളുടെ പേരുകൾ ആ സ്ഥാനത്തേക്ക് ഉയർന്നുവന്നിരുന്നെങ്കിലും അവസാനം നറുക്ക് വീണത് രേഖഗുസ്തയ്ക്കായിരുന്നു.

Share post:

Popular

More like this
Related

ഇന്ത്യന്‍ ബഹിരാകാശ സഞ്ചാരി ശുഭാൻഷു ശുക്ലയുടെ ബഹിരാകാശ യാത്ര മൂന്നാം തവണയും മാറ്റി

ഇന്ത്യന്‍ ബഹിരാകാശ സഞ്ചാരി ശുഭാന്‍ഷു ശുക്ല ഉള്‍പ്പെട്ട ബഹിരാകാശ ദൗത്യം ആക്‌സിയോം-4-ന്റെ...

ഗാർഹിക പീഡന പരാതി; സ്ത്രീകൾക്ക് തുടർപിന്തുണ ഉറപ്പാക്കാൻ പ്രത്യേക സെൽ: മന്ത്രി വീണാ ജോർജ്

തിരുവനന്തപുരം : ഗാർഹിക പീഡന പരാതിയുമായി എത്തുന്ന പെൺകുട്ടികളുടേയും സ്ത്രീകളുടേയും തുടർപിന്തുണ...

‘ഉള്‍ക്കടലിലെ കപ്പല്‍ ദുരന്തത്തില്‍ കേസെടുക്കേണ്ടത് കേന്ദ്രസര്‍ക്കാര്‍’ : മന്ത്രി വി എന്‍ വാസവന്‍

തിരുവനന്തപുരം : ഉള്‍ക്കടലിലെ കപ്പല്‍ ദുരന്തത്തില്‍ കേസെടുക്കേണ്ടത് കേന്ദ്രസര്‍ക്കാരെന്ന് മന്ത്രി വി...

ഇന്ത്യൻ വിദ്യാർത്ഥിയെ നിലത്ത് കിടത്തി കൈകൾ പിന്നിലേക്ക് വിലങ്ങിട്ട് നാടുകടത്തി യുഎസ്

ന്യൂവാർക്ക് : ഇന്ത്യൻ വിദ്യാർത്ഥിയെ വിമാനത്താവളത്തിൽ വെച്ച് നിലത്ത് കിടത്തി കൈകൾ...