‘ബേബി ജോൺ’ കീര്‍ത്തി സുരേഷിന്റെ ബോളിവുഡ് അരങ്ങേറ്റ ചിത്രം ; വിജയ് ചിത്രം ‘തെരി’യുടെ ഹിന്ദി റീമേക്ക്

Date:

മലയാളി താരം കീർത്തി സുരേഷ് ബോളിവുഡിൽ അരങ്ങേറ്റം കുറിക്കുകയാണ്. അറ്റ്‌ലീ ഒരുക്കി
വിജയ്‌ നായകനായ ഹിറ്റ് ചിത്രം ‘തെരി’യുടെ ഹിന്ദി റീമേക്കിലൂടെയാണ് കീർത്തി ബോളിവുഡിൽ വരവറിയിക്കുന്നത്. ‘ബേബി ജോണ്‍’ എന്ന പേരില്‍ റിലീസിനൊരുന്ന ചിത്രത്തിൽ വരുണ്‍ ധവാന്‍ ആണ് നായകൻ.

ജീവയെ നായകനാക്കി 2019 ൽ ‘കീ’ എന്ന ചിത്രമൊരുക്കിയ കലീസ് ആണ് കീർത്തിയുടെ ബോളിവുഡ് ചിത്രത്തിൻ്റെ സംവിധായകൻ. ‘തെരി’ സിനിമയുടെ അതേ ഫോര്‍മാറ്റിലാണ് ഹിന്ദി റീമേക്കും ഒരുക്കിയിട്ടുള്ളത്. ക്രിസ്മസിന് ചിത്രം തിയേറ്ററുകളിലെത്തും.

വിജയ്ക്കൊപ്പം സാമന്തയും എമി ജാക്‌സണുമായിരുന്നു ‘തെരി’യിൽ നായികമാരായിരുന്നത്. ഹിന്ദി റീമേക്കിൽ സാമന്ത അവതരിപ്പിച്ച വേഷമാണ് കീര്‍ത്തി അവതരിപ്പിക്കുന്നത്. എമി ജാക്‌സണ്‍ അവതരിപ്പിച്ച കഥാപാത്രത്തെ വാമിഖ ഗബ്ബി കൈകാര്യം ചെയ്യുന്നു. ജാക വില്ലനായി എത്തുന്നത് ജാക്ക് ഷ്രോഫ്.

2016- ലായിരുന്നു അറ്റ്ലീയുടെ വിജയ് ചിത്രം തെരി തിയേറ്ററുകളെ ഇളക്കിമറിച്ച് പ്രദർശനവിജയം നേടിയത്. വിജയ് അവതരിപ്പിച്ച വിജയ്കുമാര്‍ എന്ന പൊലീസ് ഓഫീസറെ പ്രേക്ഷകർ രണ്ടു കൈയ്യും നീട്ടി സ്വീകരിച്ചു. പ്രിയ അറ്റ്‌ലീ, മുറാദ് ഖേതനി, ജ്യോതി ദേശ്പാണ്ഡെ എന്നിവര്‍ ചേര്‍ന്നാണ് ചിത്രം ഹിന്ദി ചിത്രം ‘ബേബി ജോണ്‍’ നിര്‍മ്മിക്കുന്നത്.

Share post:

Popular

More like this
Related

തൃശൂരിൽ രണ്ടുനില കെട്ടിടം ഇടിഞ്ഞുവീണ് മൂന്ന് മരണം

തൃശൂർ : തൃശൂർ കൊടകരയിൽ കെട്ടിടം ഇടിഞ്ഞുവീണ് മൂന്ന് പേർ മരിച്ചു....

ഇന്ത്യയുമായുള്ള വലിയ വ്യാപാര കരാർ ഉടൻ ഒപ്പിടുമെന്ന് ട്രംപ് ; ചൈനയുമായുള്ള കരാർ പൂർത്തിയായതായും അമേരിക്കൻ പ്രസിഡൻ്റ്

വാഷിങ്ടണ്‍: ഇന്ത്യയുമായി വമ്പന്‍ വ്യാപാര കരാര്‍ ഒപ്പിടാന്‍ പോകുന്നുവെന്ന് പ്രഖ്യാപിച്ച് യു.എസ്...

ഭരണഘടനയിൽ നിന്ന് സോഷ്യലിസ്റ്റ്, സെക്യുലർ എന്നീ വാക്കുകൾ നീക്കം ചെയ്യണമെന്ന് ആർഎസ്എസ് നേതാവ്

ന്യൂഡൽഹി : ഭരണഘടനയുടെ ആമുഖത്തിൽ നിന്ന് 'സോഷ്യലിസ്റ്റ്', 'സെക്യുലർ' എന്നീ പദങ്ങൾ...