ന്യൂഡൽഹി : കേന്ദ്ര സര്‍ക്കാര്‍ ജീവനക്കാരുടെയും പെന്‍ഷന്‍കാരുടെയും ക്ഷാമബത്ത (ഡിഎ) 3 ശതമാനം വർദ്ധിപ്പിച്ചു. ഇന്നു ചേർന്ന കേന്ദ്രമന്ത്രിസഭാ യോഗത്തിന്റേതാണു തീരുമാനം. നിലവിൽ അടിസ്ഥാന ശമ്പളത്തിന്റെ 50 ശതമാനമാണു ഡിഎ. പുതിയ വർധനവ് വരുന്നതോടെ ഇത് 53 ശതമാനമായി ഉയരും.
ദീപാവലിക്കു മുന്നോടിയായി വന്ന തീരുമാനം 49.18 ലക്ഷം കേന്ദ്ര സർക്കാർ ജീവനക്കാർക്കും 64.89 ലക്ഷം പെൻഷൻകാർക്കും പ്രയോജനപ്പെടും. 2024 ജൂലൈ 1 മുതലുള്ള മുൻകാല പ്രാബല്യം ലഭ്യമാകും.
