എടയാർ വ്യാവസായിക മേഖലയിൽ തീപ്പിടിത്തം; വൻ നാശനഷ്ടം 

Date:

കൊച്ചി : എടയാർ വ്യവസായ മേഖലയിലെ സ്ഥാപനത്തിൽ തീപ്പിടിത്തം. എടയാര്‍ വ്യവസായ മേഖലയിലെ ജ്യോതിസ് കെമിക്കല്‍സ് എന്ന കമ്പനിയിലാണ് ചൊവ്വാഴ്ച രാത്രി ഏഴുമണിയോടെ തീപ്പിടിത്തമുണ്ടായത്. സ്ഥാപനത്തിനകത്തുനിന്ന്‌ തീ ഉയരുന്നതുകണ്ട് സമീപത്തുള്ളവരാണ് ഫയര്‍ഫോഴ്‌സിനെ വിവരമറിയിച്ചത്. ഏലൂരില്‍നിന്നും ആലുവയില്‍നിന്നുമായി ആറ് ഫയര്‍ യൂണിറ്റുകളെത്തി രണ്ടുമണിക്കൂര്‍നീണ്ട ശ്രമത്തിനൊടുവിലാണ് തീയണയ്ക്കാനായത്. ലക്ഷങ്ങളുടെ ഉത്പന്നങ്ങള്‍ കത്തിനശിച്ചതായാണ് പ്രാഥമിക നി​ഗമനം.

ഈ കമ്പനിയുടെ ഉടമസ്ഥന് എടയാര്‍ വ്യവസായമേഖലയില്‍ മൂന്ന് യൂണിറ്റുകളാണുള്ളത്. ഇതില്‍ പാതാളം പാലത്തിനുസമീപത്തുള്ള സ്ഥാപനത്തിലാണ്‌ തീപ്പിടിത്തമുണ്ടായത്. ഉത്പന്നങ്ങളും യന്ത്രങ്ങളുമെല്ലാം പൂര്‍ണമായും കത്തിനശിച്ചു. ആളപായമില്ല.
വാഹനങ്ങളുടേത് ഉള്‍പ്പടെയുള്ള ക്ലീനിങ്ങ് ഉത്പന്നങ്ങളാണ് ഇവിടെ തയ്യാറാക്കുന്നത്. അവയിലെല്ലാം പെട്ടെന്നുതന്നെ തീപടര്‍ന്നുപിടിക്കുകയായിരുന്നു. സമീപത്തുതന്നെ പെട്രോളിയം ഉത്പന്നങ്ങള്‍ കൊണ്ട് പാവ ഉണ്ടാക്കുന്ന കമ്പനിയും പ്ലാസ്റ്റ് ചാക്ക് നിര്‍മ്മാണയൂണിറ്റുകളെല്ലാമുണ്ട്. അവിടേക്കെല്ലാം തീപടര്‍ന്നാല്‍ ഉണ്ടായേക്കാവുന്ന പ്രത്യാഘാതങ്ങൾ ഒഴിവാക്കാനുള്ള കിണഞ്ഞ പരിശ്രമമാണ്  തീയണക്കാനായി  ഫയര്‍ഫോഴ്‌സ് നടത്തിയത്.

കമ്പനിയുടെ ഷട്ടര്‍ പൊളിച്ച് അകത്തുകടന്നാണ് തീ അണക്കാൻ ശ്രമിച്ചത്. ഉത്പന്നങ്ങള്‍ നിറയ്ക്കാന്‍ ഉപയോഗിക്കുന്ന പ്ലാസ്റ്റിക് കുപ്പികള്‍ ഇവിടെ ധാരാളമായി സൂക്ഷിച്ചിരുന്നു. തീയണച്ചിട്ടും പ്ലാസ്റ്റിക് കുപ്പികളില്‍ നിന്ന് വലിയതോതില്‍ പുക ഉയരുന്നതുകൊണ്ട് പൂര്‍ണമായും അണയ്ക്കാനുള്ള ശ്രമം ഫയര്‍ഫോഴ്‌സ് തുടരുന്നു. 

Share post:

Popular

More like this
Related

മലപ്പുറത്തെ ഒരു വയസ്സുകാരന്റെ മരണം: പോസ്റ്റുമോർട്ടം പൂർത്തിയായി; ആന്തരികാവയവങ്ങൾ പരിശോധനക്ക് അയയ്ക്കും

മലപ്പുറം : മലപ്പുറം പാങ്ങിൽ ചികിത്സ ലഭിക്കാതെമരിച്ചെന്ന് ആരോപണം നേരിടുന്ന ഒരുവയസ്സുകാരന്റെ...

ബാലവേല വിമുക്ത സംസ്ഥാനമാകാൻ കേരളം ; നിർണ്ണായക ഇടപെടലുമായി വനിത ശിശുവികസന വകുപ്പ്

തിരുവനന്തപുരം : കേരളത്തെ ബാലവേല വിമുക്ത സംസ്ഥാനമാക്കാൻ വനിതാ ശിശുവികസന വകുപ്പ്...

ഓപ്പറേഷൻ സിന്ധു: ഇറാൻ – ഇസ്രയേൽ രാജ്യങ്ങളിൽ നിന്ന് ഇതുവരെ കേരളത്തിലെത്തിയത് 67 പേർ 

ന്യൂഡൽഹി/തിരുവനന്തപുരം : ഇസ്രായേല്‍-ഇറാന്‍ സംഘര്‍ഷങ്ങളുടെ പശ്ചാത്തലത്തില്‍ ഇന്ത്യന്‍ പൗരന്മാരെ ഒഴിപ്പിക്കുന്നതിനായി...

മുല്ലപ്പെരിയാർ ഡാമിൻ്റെ 13 ഷട്ടറുകൾ ഉയർത്തി; പ്രദേശവാസികൾക്ക് ജാഗ്രതാ നിർദ്ദേശം

ചെറുതോണി : മുല്ലപ്പെരിയാർ അണക്കെട്ടിൻ്റെ ഷട്ടറുകൾ ഉയർത്തി. സ്പിൽവേയിലെ 13 ഷട്ടറുകൾ...