യുഎസിൽ മക്‌ഡൊണാൾഡ്‌സിൽ നിന്ന് ഭക്ഷണം കഴിച്ച ഒരാൾ മരിച്ചു, ഭക്ഷ്യവിഷബാധയിൽ നിരവധി പേർ ചികിത്സ തേടി ആശുപത്രിയിൽ

Date:

വാഷിങ്ടൻ ∙ ആഗോള ഫാസ്റ്റ്‌ഫൂഡ് ശൃംഖലയായ മക്‌ഡൊണാൾഡ്‌സിൽ നിന്ന് ഭക്ഷണം കഴിച്ച ഒരാൾ മരിച്ചു, യുഎസിലാണ് സംഭവം. ഭക്ഷ്യവിഷബാധയിൽ നിരവധി പേർ ചികിത്സയിലാണ്.

മക്‌ഡൊണാൾഡിൻ്റെ ക്വാർട്ടർ പൗണ്ടർ ഹാംബർഗറിൽ നിന്നു കടുത്ത ഇ–കോളി ബാധയേറ്റാണ് ഒരാൾ മരിച്ചതും ഡസൻ കണക്കിന് ആളുകൾക്ക് അസുഖം ബാധിച്ചതെന്നും യുഎസ് സെൻ്റേഴ്‌സ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) പറഞ്ഞു.

സെപ്റ്റംബർ അവസാനം ആരംഭിച്ച രോഗബാധ 10 പടിഞ്ഞാറൻ സംസ്ഥാനങ്ങളിൽ റിപ്പോർട്ട് ചെയ്തു. 49 കേസുകളിൽ ഭൂരിഭാഗവും കൊളറാഡോയിലും നെബ്രാസ്കയിലുമാണ്. 10 പേരാണ് ഇപ്പോഴും ആശുപത്രിയിൽ ചികിത്സയിൽ കഴിയുന്നത്. ഇതിൽ ഒരു കുട്ടിക്കു വൃക്കകളെ ബാധിക്കുന്ന ഗുരുതരമായ ഹീമോലിറ്റിക് യൂറിമിക് സിൻഡ്രോമിന് കൂടി കാരണമായിട്ടുണ്ട്. പ്രായമുള്ള ആളാണു കൊളറാഡോയിൽ മരിച്ചതെന്നും സിഡിസി അറിയിച്ചു.

അസുഖം ബാധിച്ച എല്ലാ ആളുകളിലും ഒരേ ഇ–കോളിയാണു കണ്ടെത്തിയത്. ഇവരെല്ലാം മക്‌ഡൊണാൾഡ്സിൽ നിന്നു ഭക്ഷണം കഴിച്ചതായും ‌റിപ്പോർട്ട് ചെയ്തു. രോഗത്തിനു കാരണമായ കൃത്യമായ ചേരുവ ഏതെന്നു കണ്ടെത്തിയിട്ടില്ല. ഉള്ളിയും ബീഫ് പാറ്റികളും കേന്ദ്രീകരിച്ചാണ് അന്വേഷണം. ഇവ രണ്ടും രോഗബാധിത സംസ്ഥാനങ്ങളിലെ റസ്റ്റോറന്റുകളിൽ നിന്ന് ഒഴിവാക്കിയിട്ടുണ്ട്. സിഡിസിയുടെ പ്രസ്താവനയ്ക്കു പിന്നാലെ മക്‌ഡൊണാൾഡ്‌സിൻ്റെ ഓഹരികൾ 6 ശതമാനത്തിലേറെ ഇടിഞ്ഞതായും ബിസിനസ്സ് ലോകത്ത് നിന്ന് വാർത്തകൾ വരുന്നുണ്ട്..

Share post:

Popular

More like this
Related

നടിയും മോഡലുമായ ഷെഫാലി ജരിവാല അന്തരിച്ചു ; ഹൃദയാഘാതമെന്ന് റിപ്പോർട്ട്

മുംബൈ : നടിയും മോഡലുമായ ഷെഫാലി ജരിവാല (42) അന്തരിച്ചു. ഹൃദയാഘാതമാണ്...

എളുപ്പത്തിൽ പണം സമ്പാദിക്കാൻ ലൈവ് പോൺ ; അഞ്ച് മിനിറ്റിന് 1,000 രൂപ, ദമ്പതികൾ അറസ്റ്റിൽ

ഹൈദരാബാദ് : പണത്തിനായി ലൈവിൽ ലൈംഗീക ബന്ധത്തിൽ ഏർപ്പെട്ടതിന് ദമ്പതികൾ അറസ്റ്റിൽ. അഞ്ച്...

എറണാകുളത്ത് ആഫ്രിക്കൻ പന്നിപ്പനി സ്ഥിരീകരിച്ചു ; 34 പന്നികളെ കൊന്ന് സംസ്ക്കരിച്ചു

കൊച്ചി : എറണാകുളം ജില്ലയിൽ ആഫ്രിക്കൻ പന്നിപ്പനി സ്ഥിരീകരിച്ചു. മലയാറ്റൂർ–നീലിശ്വരം പഞ്ചായത്തിലെ...

വിഎസിൻ്റെ ആരോ​ഗ്യനിലയിൽ മാറ്റമില്ല ; ഹൃദയമിടിപ്പും ശ്വാസോച്ഛ്വാസവും സാധാരണ നിലയിലാക്കാനുള്ള ശ്രമം തുടരുന്നെന്ന് ഡോക്ടർമാർ

തിരുവനന്തപുരം: തിരുവനന്തപുരത്ത് സ്വകാര്യ ആശുപത്രിയിൽ ചികിത്സയിൽ കഴിയുന്ന മുൻ മുഖ്യമന്ത്രിയും മുതിർന്ന സി.പിഎം...