കേരള സാഹിത്യ അക്കാദമി പുരസ്‌കാരങ്ങള്‍ പ്രഖ്യാപിച്ചു ; മികച്ച നോവലിന് ഹരിത സാവിത്രിക്കും കവിതക്ക് കല്പറ്റ നാരായണനും അവാർഡ്

Date:

തൃശൂര്‍: കേരള സാഹിത്യ അക്കാദമിയുടെ 2023 വര്‍ഷത്തിലെ പുരസ്‌കാരങ്ങള്‍ പ്രഖ്യാപിച്ചു. ഹരിത സാവിത്രി എഴുതിയ ‘സിന്‍’ മികച്ച നോവൽ. മികച്ച കവിതായ്ക്കുള്ള അവാർഡ് നേടിയത് കല്പറ്റ നാരായണന്റെ തിരഞ്ഞെടുത്ത കവിതകള്‍. എന്‍.രാജന്‍ എഴുതിയ ‘ഉദയ ആര്‍ട്‌സ് ക്ലബ്,’ ഗ്രേസിയുടെ ‘പെണ്‍കുട്ടിയും കൂട്ടരും’ യഥാക്രമം ചെറുകഥക്കും ബാലസാഹിത്യത്തിനുമുള്ള പുരസ്ക്കാരങ്ങൾ കരസ്ഥമാക്കി. മികച്ച യാത്രാവിവരണം നന്ദിനി മേനോന്‍ എഴുതിയ ‘ആംചൊ ബസ്തര്‍’ നേടി. ഇന്ത്യയിലെ ഏറ്റവും വലുതും പുരാതനവുമായ ആദിവാസി മേഖലയായ ബസ്തറിലൂടെ നടത്തിയ യാത്രകളുടെ വിവരണമാണ് ആംചൊ ബസ്തര്‍.

അക്കാദമിയുടെ വിശിഷ്ടാംഗത്വം സി.എല്‍ ജോസ്, എം.ആര്‍ രാഘവ വാര്യര്‍ എന്നിവർക്കാണ്. സമഗ്രസംഭാവനയ്ക്കുള്ള പുരസ്‌കാരം കെ.വി കുമാരന്‍, പ്രേമാ ജയകുമാര്‍ പി.കെ. ഗോപി, എം. രാഘവന്‍, രാജന്‍ തിരുവോത്ത്, ബക്കളം ദാമോദരന്‍ എന്നിവര്‍ നേടി.

മറ്റു പുരസ്‌കാരങ്ങള്‍

നാടകം: ഇ ഫോര്‍ ഈഡിപ്പസ് ഗിരീഷ് പി.സി.പാലം
സാഹിത്യ വിമര്‍ശനം: ഭൂപടം തലതിരിക്കുമ്പോള്‍ പി. പവിത്രന്‍
വൈജ്ഞാനിക സാഹിത്യം: ഇന്ത്യയെ വീണ്ടെടുക്കല്‍ ബി.രാജീവന്‍
ജീവിചരിത്രം/ആത്മകഥ: ഒരന്വേഷണത്തിന്റെ കഥ കെ.വേണുഗോപാല്‍
വിവര്‍ത്തനം: കഥാകാദികെ എഎം.ശ്രീധരന്‍
ഹാസ്യ സാഹിത്യം: വാരനാടന്‍ കഥകള്‍ സുനീഷ് വാരനാട്

Share post:

Popular

More like this
Related

റവാഡ ചന്ദ്രശേഖര്‍ കേരള പോലീസ് മേധാവി; സംസ്ഥാനത്തിന്റെ 41-ാമത് ഡിജിപി

തിരുവനന്തപുരം: റവാഡ ചന്ദ്രശേഖര്‍ സംസ്ഥാനത്തിന്റെ പുതിയ പോലീസ് മേധാവി. സംസ്ഥാനത്തിന്റെ നാൽപ്പത്തിയൊന്നാമത്തെ...

ഡൽഹിയിൽ ഈ വാഹനങ്ങൾക്ക് ജൂലൈ 1 മുതൽ ഇന്ധനം ലഭിക്കില്ല

ന്യൂഡൽഹി : രാജ്യതലസ്ഥാനമായ ഡൽഹിയിൽ പഴയ വാഹനങ്ങൾ സ്വന്തമായുള്ളവർക്ക് ഇനി ഇന്ധനം...

ത്രിഭാഷാ നയ ഉത്തരവ് പിൻവലിച്ച് മഹാരാഷ്ട്ര

മുംബൈ: ത്രിഭാഷാ നയ ഉത്തരവ് പിൻവലിച്ച് മഹാരാഷ്ട്ര സർക്കാർ. സ്കൂളുകളിൽ മൂന്നാം...