കേരളത്തിലെ സർവ്വകലാശാലാ കാംപസുകൾ വിദേശത്ത് തുറക്കും

Date:

തിരുവനന്തപുരം: സംസ്ഥാനത്തെ ഉന്നതവിദ്യാഭ്യാസ സ്ഥാപനങ്ങളുടെ കാംപസുകൾ വിദേശത്ത് തുറക്കാൻ അവസരം തേടി സർക്കാർ. ഓവർസീസ് സെന്ററുകൾ തുടങ്ങാൻ യു.ജി.സി. അനുവദിച്ച സാഹചര്യത്തിലാണ് നീക്കം. ആദ്യ ലക്ഷ്യം ഗൾഫ് രാജ്യങ്ങളായിരിക്കും. ഉന്നതവിദ്യാഭ്യാസത്തിൽ വിദേശ വിദ്യാർത്ഥികളെ ആകർഷിക്കാനും ഇവിടെയുള്ളവരെ പിടിച്ചുനിർത്താനും ലക്ഷ്യമിട്ട് ‘സ്റ്റഡി ഇൻ കേരള’ പദ്ധതിയും പ്രഖ്യാപിച്ചു

ബ്രാൻഡ് വാല്യു വർദ്ധിപ്പിക്കാനാവുന്നവിധം മറ്റു സംസ്ഥാനങ്ങളിലും രാജ്യങ്ങളിലും കേരളത്തിലെ വിദ്യാഭ്യാസ സ്ഥാപനങ്ങളുടെ കാംപസുകൾ സ്ഥാപിക്കാൻ നടപടിയെടുക്കുമെന്ന് മന്ത്രി ആർ. ബിന്ദു പത്രസമ്മേളനത്തിൽ പറഞ്ഞു. ഇതിനുള്ള ആശയരൂപവത്കരണത്തിനായി ഉന്നതവിദ്യാഭ്യാസ കോൺക്ലേവ് സംഘടിപ്പിക്കും.

സ്റ്റഡി ഇൻ കേരള പദ്ധതിയുടെ ഭാഗമായി സ്വകാര്യമേഖലയുമായി സഹകരിച്ച് വിദേശ വിദ്യാർത്ഥികൾക്കായി മികച്ച പാർപ്പിട സൗകര്യമൊരുക്കും. അന്താരാഷ്ട്രസ്ഥാപനങ്ങളുമായി ഗവേഷണസഹകരണം കൂട്ടും. മൂന്നാംലോകരാജ്യങ്ങളിലെ വിദ്യാർത്ഥികളെ ആകർഷിക്കാൻ പ്രത്യേകപദ്ധതി തയ്യാറാക്കും.

സ്വയംഭരണ പദവിയോടെ ഏഴ് മികവിന്റെ കേന്ദ്രങ്ങൾ സ്ഥാപിക്കുമെന്ന് മന്ത്രിയറിയിച്ചു. ഇതിനായി 11.4 കോടിയുടെ ഭരണാനുമതി നൽകി. ഉന്നതവിദ്യാഭ്യാസത്തിലെ അധ്യാപക-അനധ്യാപക-ഗവേഷക വിദ്യാർഥി പരിശീലനവും പാഠ്യപദ്ധതി രൂപകല്പനയും ലക്ഷ്യമിട്ടാണ് ഒരുകേന്ദ്രം.

ഇതിന് കാലിക്കറ്റ് സർവകലാശാലയാണ് പരിഗണനയിൽ. ശാസ്ത്രഗവേഷണം-കുസാറ്റ്, കേരളീയ സംസ്കാരം-മൂന്നാർ, സ്റ്റാർട്ടപ്പ്-കേരള സർവകലാശാല, തദ്ദേശീയ ജനതയുടെ വിദ്യാഭ്യാസം-വയനാട്, ലിംഗസമത്വ പഠനം-കണ്ണൂർ, ഭാഷാപഠനം-കാലടി, മലയാളം സർവകലാശാലകൾ എന്നിങ്ങനെയാണ് മറ്റുകേന്ദ്രങ്ങൾ തുടങ്ങാൻ ലക്ഷ്യമിടുന്നത്.

Share post:

Popular

More like this
Related

ബാബാ രാംദേവിനെതിരെ അറസ്റ്റ് വാറണ്ട് പുറപ്പെടുവിച്ച് പാലക്കാട് കോടതി

പാക്കോട് : യോഗാചാര്യൻ ബാബാ രാംദേവിനെതിരെ അറസ്റ്റ് വാറണ്ട് പുറപ്പെടുവിച്ച് പാലക്കാട്...

‘അച്ഛന് അസുഖം വന്നപ്പോൾ ഗോമൂത്രം കുടിപ്പിച്ചു, 15 മിനുട്ട് കൊണ്ട് പനിമാറി’ ; വിചിത്രവാദവുമായി മദ്രാസ് ഐഐടി ഡയറക്ടർ

ചെന്നൈ: ഗോമൂത്രം കുടിച്ചാൽ രോഗങ്ങൾ മാറുമെന്ന അവകാശവാദവുമായി മദ്രാസ് ഐഐടി ഡയറക്ടർ...

വയനാട് എൻ എം വിജയന്റെ ആത്മഹത്യ; മുൻകൂർ ജാമ്യം ലഭിച്ച കോൺ​ഗ്രസ് നേതാക്കൾ ചോദ്യം ചെയ്യലിന് ഹാജരാകും

കൽപറ്റ: എൻ.എം.വിജയന്‍റെ ആത്മഹത്യ കേസിൽ മുൻകൂർ ജാമ്യം ലഭിച്ചതിന് പിന്നാലെ ചോദ്യംചെയ്യലിന്...

‘കെസിഎ ഭാരവാഹികളുടെ ഈഗോ സ‍ഞ്ജുവിന്‍റെ കരിയര്‍ തകര്‍ക്കുന്നു’; ചാമ്പ്യൻസ് ട്രോഫി ടീം സെലക്ഷനിൽ  വിമര്‍ശനവുമായി ശശി തരൂര്‍

തിരുവനന്തപുരം: മലയാളി താരം സഞ്ജു സാംസണെ ചാമ്പ്യൻസ് ട്രോഫിക്കുള്ള ഇന്ത്യൻ ടീമില്‍ ഉള്‍പ്പെടുത്താത്തതില്‍...