ഉപരാഷ്ട്രപതിയുടെ സന്ദർശനം: കൊല്ലം നഗരത്തിൽ 6, 7 തീയതികളിൽ ഗതാഗത നിയന്ത്രണം

Date:

കൊല്ലം∙ ഉപരാഷ്ട്രപതിയുടെ സന്ദർശനവുമായി ബന്ധപ്പെട്ട് കൊല്ലം നഗരത്തിലും അനുബന്ധ റോഡുകളിലും 6നും 7നും ഗതാഗത നിയന്ത്രണം ഉണ്ടായിരിക്കുമെന്ന് പൊലീസ് അറിയിച്ചു. നാളെ നഗരത്തിൽ എത്തുന്ന ഉപരാഷ്ട്രപതി മടങ്ങി പോകുന്നത് വരെ വിവിധ റോഡുകളിൽ ഗതാഗത നിയന്ത്രണം ഉണ്ടായിരിക്കും. കൊല്ലം ആശ്രാമം മൈതാനത്ത് നിന്നു ചിന്നക്കട, താലൂക്ക് ഹൈസ്കൂൾ ജംക്‌ഷൻ, കടവൂർ റോഡുകളിൽ ഇരുവശത്തേക്കും വാഹന ഗതാഗതം അനുവദിക്കുന്നതല്ല. പൊതുജനങ്ങൾ അനുബന്ധ റോഡുകൾ ഉപയോഗിക്കേണ്ടതാണ്.

ചവറ ഭാഗത്ത് നിന്നു തിരുവനന്തപുരം ഭാഗത്തേക്കും തിരിച്ചുമുളള ഹെവി വെഹിക്കിൾ ബൈപാസ് റോഡ് വഴി പോകേണ്ടതാണ്. ചവറയിൽ നിന്നു കൊട്ടിയത്തേക്കും തിരിച്ചുമുളള ലൈറ്റ് വെഹിക്കിൾസ് കലക്ടറേറ്റ് ഭാഗത്ത് നിന്നു തിരിഞ്ഞ് വാടി, കൊല്ലം ബീച്ച്,എആർ ക്യാംപിന് സമീപമുളള റെയിൽവേ മേൽപാലം വഴിയും തിരിച്ചും സഞ്ചരിക്കേണ്ടതാണ്. ദേശീയ ജലപാതയിലും ജലയാനങ്ങൾക്കു നിയന്ത്രണം ഉണ്ടായിരിക്കും. ദേശീയ ജലപാതയിലെ ഈ ഭാഗങ്ങളിലെ മത്സ്യബന്ധനം കർശനമായി നിരോധിച്ചിരിക്കുന്നു. മത്സ്യത്തൊഴിലാളികൾക്കും പൊതുജനങ്ങളും നിയന്ത്രണങ്ങളോട് സഹകരിക്കണമെന്ന് ജില്ലാ പോലീസ് മേധാവി അറിയിച്ചു

Share post:

Popular

More like this
Related

വിഎസിൻ്റെ ആരോഗ്യനില അതീവ ഗുരുതരം ; ആന്തരികാവയവങ്ങളുടെ പ്രവർത്തനം കാര്യക്ഷമമല്ലെന്ന് വിദഗ്‌ധ സംഘം

തിരുവനന്തപുരം: മുൻ മുഖ്യമന്ത്രി വിഎസ് അച്യുതാനന്ദന്റെ ആരോഗ്യ നില അതീവ ഗുരുതരം....

മലപ്പുറത്തെ ഒരു വയസ്സുകാരൻ്റെ മരണം: മഞ്ഞപ്പിത്തത്തെ തുടർന്നെന്ന് പോസ്റ്റ്മോർട്ടം റിപ്പോർട്ട്

മലപ്പുറം : മലപ്പുറം പാങ്ങിൽ ഒരു വയസ്സുകാരൻ മരിച്ചത് മഞ്ഞപ്പിത്തം ബാധിച്ചതിനെ...

ക്വാഡ് മീറ്റിനായി വിദേശകാര്യ മന്ത്രി എസ് ജയശങ്കർ യുഎസിലേക്ക്

ന്യൂഡൽഹി : ക്വാഡ് ഗ്രൂപ്പിലെ വിദേശകാര്യ മന്ത്രിമാരുടെ യോഗത്തിൽ പങ്കെടുക്കുന്നതിനായി വിദേശകാര്യ...