‘സഹകരിച്ചത് ജനതാ പാര്‍ട്ടിയുമായിട്ടാണ്, ഭാരതീയ ജനതാ പാർട്ടിയുമായല്ല; തെരഞ്ഞെടുപ്പായാലും യുദ്ധമായാലും ഞങ്ങൾക്ക് ഒറ്റ നിലപാടെയുള്ളൂ, അത് മതനിരപേക്ഷ നിലപാടാണ് ‘- എം സ്വരാജ്‌

Date:

നിലമ്പൂർ: ആര്‍എസ്എസുമായി ചേര്‍ന്നിട്ടുണ്ടെന്ന സിപിഎം സംസ്ഥാന സെക്രട്ടറി എം.വി. ഗോവിന്ദന്റെ പരാമർശത്തിൽ പ്രതികരണവുമായി നിലമ്പൂർ ഉപതെരഞ്ഞെടുപ്പിലെ എൽഡിഎഫ് സ്ഥാനാർത്ഥി എം. സ്വരാജ്. പരാമാർശത്തെക്കുറിച്ച് അഭിമുഖം കണ്ടതിന് ശേഷം മാത്രമേ പറയാൻ സാധിക്കൂ എന്ന് അദ്ദേഹം പറഞ്ഞു.

അനിവാര്യമായ ഘട്ടം വന്നപ്പോള്‍ ആര്‍എസ്എസുമായി ചേര്‍ന്നിട്ടുണ്ടെന്നായിരുന്നു സിപിഎം സംസ്ഥാന സെക്രട്ടറി എം.വി.ഗോവിന്ദന്‍ കഴിഞ്ഞദിവസം മാതൃഭൂമി ന്യൂസിന് നൽകിയ അഭിമുഖത്തിൽ പറഞ്ഞത്. ഇടതുപക്ഷം സഹകരിച്ചിട്ടുള്ളത് ജനതാ പാർട്ടിയുമായിട്ടാണ്, ഭാരതീയ ജനതാപാർട്ടിയുമായല്ല. ആർഎസ്എസ് പിടിമുറുക്കിയ ജനതാ പാർട്ടിയുമായി സഹകരിച്ചത് കോൺഗ്രസ് ആണ്. അവ്യക്തതയുണ്ടെങ്കിൽ അത് എം.വി. ഗോവിന്ദനോട് ചോദിച്ചാൽ വിശദീകരിച്ചുതരുമെന്നും സ്വരാജ് പറഞ്ഞു.

”ചരിത്രത്തിന് ഒരു മുഖമേയുള്ളൂ. അത് സത്യത്തിന്റെ മുഖമാണ്. അതിൽ ഒരു അവ്യക്തതയുമില്ല. മാഷ് ചോദ്യത്തോട് എങ്ങനെ പ്രതികരിച്ചെന്ന് പറയാനാകില്ല. മാഷ് ആലങ്കാരികമായി എന്തെങ്കിലും പറഞ്ഞോ, ചോദ്യത്തിന്റെ ദുഷ്ടലാക്ക് മനസ്സിലാക്കി തിരിച്ച് പറഞ്ഞോ.. അത് അഭിമുഖം കണ്ട ശേഷം മാത്രമേ പറയാൻ പറ്റൂ. അവ്യക്തതയുണ്ടെങ്കിൽ അദ്ദേഹത്തോട് ചോദിച്ചാൽ അദ്ദേഹം വിശദീകരിക്കും.” – എം. സ്വരാജ് മാധ്യമങ്ങളോട് പറഞ്ഞു.

”എതെങ്കിലും ഒരു വർഗീയവാദിയുടെ വോട്ടിന് വേണ്ടി അഴകൊഴമ്പൻ നിലപാട് സ്വീകരിക്കുന്നവർ അല്ല ഞങ്ങൾ. തെരഞ്ഞെടുപ്പ് ആയാലും യുദ്ധമായാലും ഞങ്ങൾക്ക് ഒരു നിലപാടെയുള്ളൂ. അത് മതനിരപേക്ഷ നിലപാടാണ്. അത് വർഗീയശക്തികളുമായി നീക്കുപോക്കുണ്ടാകുന്ന നിലപാട് അല്ല. അതിൽ ഞങ്ങൾക്ക് വോട്ടോ ജയപരാജയങ്ങളോ പ്രശ്നമവുമല്ല. തെളിമയാർന്ന മതനിരപേക്ഷ നിലപാട് ഉയർത്തിപ്പിടിച്ചാണ് എല്ലാ കാലത്തും ഇടതുപക്ഷം മുമ്പോട്ടുപോകുക. അങ്ങനെ അല്ലാതായാൽ പിന്നെ ഇടതുപക്ഷമല്ലാതായി മാറും. ഞങ്ങളുടെ മതനിരപേക്ഷമൂല്യത്തെയോ വർഗീയവിരുദ്ധനിലപാടിനെയൊന്നും ചരിത്രത്തിൽ ആർക്കും ചോദ്യം ചെയ്യാനാവില്ല.” – സ്വരാജ് വ്യക്തമാക്കി.

LEAVE A REPLY

Please enter your comment!
Please enter your name here

Share post:

Popular

More like this
Related

കൊയിലാണ്ടി MLA കാനത്തിൽ ജമീല അന്തരിച്ചു

കോഴിക്കോട് : കൊയിലാണ്ടി എംഎൽഎയും സിപിഎം നേതാവുമായ കാനത്തിൽ ജമീല അന്തരിച്ചു....

കോഴിക്കോട്ടെ സ്വകാര്യ ആശുപത്രിയുടെ ഒൻപതാം നിലയിൽ തീപ്പിടിത്തം; ആളപായമില്ല

കോഴിക്കോട് : കോഴിക്കോട് ബേബി മെമ്മോറിയൽ ആശുപത്രിയിൽ തീപ്പിടുത്തം. ശനിയാഴ്ച രാവിലെ ...

സ്ത്രീകൾക്ക് താമസിക്കാൻ വനിത വികസന കോര്‍പ്പറേഷന്റെ ഹോസ്റ്റലുകള്‍ ; ‘സേഫ് സ്റ്റേ’ ആപ്പ് വഴി ബുക്ക് ചെയ്യാം

തിരുവനന്തപുരം : തൊഴിലിടങ്ങളിലെ സ്ത്രീ പ്രാതിനിദ്ധ്യം വര്‍ദ്ധിപ്പിക്കുക എന്ന ലക്ഷ്യം മുന്‍നിര്‍ത്തി...