തിരുവനന്തപുരം: കേരളത്തിൽ നിന്നുള്ള പാർലമെൻ്റ് അംഗമായ മുതിർന്ന കോൺഗ്രസ് നേതാവ് ബിജെപിയിലേക്കെന്ന് സൂചന. അംഗത്വം സ്വീകരിക്കാനായി ബിജെപിയെ സമീപിച്ചെന്ന് ‘ദ ഇന്ത്യൻ എക്സ്പ്രസ്’ റിപ്പോർട്ട് ചെയ്തു.
സംഘപരിവാർ ബന്ധം ആരോപിച്ച് കേരളത്തിലെ ഭരണകക്ഷിയായ സിപിഎമ്മിനെ പ്രതിപക്ഷമായ കോൺഗ്രസ് രൂക്ഷമായി കടന്നാക്രമിക്കുന്നതിനിടെ, മറ്റൊരുഭാഗത്ത് വലിയ രാഷ്ട്രീയ നീക്കം നടക്കുകയാണ്. കേരളത്തിലെ ഒരു മുതിര്ന്ന കോണ്ഗ്രസ് നേതാവ് ബിജെപിയില് ചേരാനുള്ള സാദ്ധ്യതതേടി തങ്ങളെ സമീപിച്ചതായി ബിജെപി ഉന്നതവൃത്തങ്ങൾ വെളിപ്പെടത്തിയതായാണ് ‘ദ ഇന്ത്യൻ എക്സ്പ്രസ്’വാർത്ത.
പ്രസ്തുത കോൺഗ്രസ് നേതാവിനെതിരെ ബിജെപിയിൽ ചില എതിർപ്പുകളുണ്ടെങ്കിലും ക നേതാവ് ഇപ്പോൾ പാർട്ടിയിൽ ചേർന്നാൽ വരുന്ന നിയമസഭ തെരഞ്ഞെടുപ്പിൽ അത് പാർട്ടിയ്ക്ക് ഏറെ ഗുണം ചെയ്യുമെന്നാണ് ബിജെപിയുടെ വിലയിരുത്തൽ. അതിനാൽ തന്നെ കോൺഗ്രസ് നേതാവിനെ രണ്ടു കൈയ്യും നീട്ടി ബിജെപി സ്വാഗതം ചെയ്യാനാണ് സാദ്ധ്യതയെന്ന് അറിയിന്നു.
