തിരുവനന്തപുരം : സംസ്ഥാനത്തെ എല്ലാ റേഷൻ കടകളും ഈ ഞായറാഴ്ച തുറന്നു പ്രവർത്തിക്കും. നാളെയോടെ ആഗസ്റ്റിലെ റേഷൻ വിതരണവും സ്പെഷൽ അരിയുടെ വിതരണവും പൂർത്തിയാകും. ഈ മാസം ഇതുവരെ 82% ഗുണഭോക്താക്കൾ റേഷൻ വിഹിതം കൈപ്പറ്റിയിട്ടുണ്ട്. ആഗസ്റ്റിലെ റേഷൻ ഇനിയും വാങ്ങാത്തവർ 31ന് മുൻപു തന്നെ വാങ്ങേണ്ടതാണെന്നും സ്റ്റോക്കെടുപ്പ് പ്രമാണിച്ച് സെപ്തംബർ ഒന്നിന് (തിങ്കൾ) റേഷൻകടകൾക്ക് അവധിയായിരിക്കുമെന്നും അധികൃതർ അറിയിച്ചു.
സെപ്തംബർ 2 മുതൽ ആ മാസത്തെ റേഷൻ വിതരണം ആരംഭിക്കും. ഒന്നാം ഓണ ദിവസമായ സെപ്റ്റംബർ 4ന് റേഷൻകടകൾ തുറന്നു പ്രവർത്തിക്കും. എഎവൈ കാർഡുടമകൾക്കും ക്ഷേമസ്ഥാപനങ്ങളിലെ അന്തേവാസിൾക്കുമുള്ള ഓണക്കിറ്റ് വിതരണം സെപ്റ്റംബറിലും തുടരും.
