(Photo Courtesy: Facebook / Indumenon )
കൊച്ചി: യുവ നോവലിസ്റ്റ് അഖിൽ പി ധർമജന്റെ പരാതിയിൽ എഴുത്തുകാരി ഇന്ദു മേനോനെതിരെ കേസെടുത്ത് കോടതി. സമൂഹമാധ്യമത്തിലൂടെ അപകീർത്തികരമായ പരാമർശം നടത്തിയതിനാണ്‌ കേസ്‌. സെപ്റ്റംബർ പതിനഞ്ചിന് എറണാകുളം ചീഫ് ജുഡീഷ്യൽ മജിസ്ട്രേറ്റ് കോടതിയിൽ ഹാജരാകാൻ ഇന്ദു മേനോന്‌ കോടതി നിർദ്ദേശവുമുണ്ട്.
അഖിൽ പി ധർമജൻ കേന്ദ്ര സാഹിത്യ അക്കാദമി അവാർഡ് വാങ്ങിയതിനെ തുടർന്ന്‌ ഇന്ദു മേനോൻ നടത്തിയ പരാമർശത്തിലാണ്‌ കേസ്‌. ജൂറിയെ സ്വാധീനിച്ചും അഴിമതി നടത്തിയുമാണ് അഖിൽ പി ധർമജൻ അവാർഡ് വാങ്ങിയതെന്ന് ഇന്ദു മേനോൻ ഫെയ്‌സ്‌ബുക്കിൽ കുറിപ്പ് പോസ്റ്റ് ചെയ്തിരുന്നു. പരാമർശം പ്രഥമദൃഷ്ട്യാ അപകീർത്തികരമെന്ന് വ്യക്തമാക്കിയ കോടതി പരാതിക്കാരന്റെ മൊഴിയെടുത്ത ശേഷമാണ് കേസെടുത്തത്. റാം കെയർ ഓഫ് ആനന്ദി എന്ന നോവലിനാണ്‌ അഖിലിന്‌ പുരസ്കാരം ലഭിച്ചത്.
