പാലക്കാട് : പാലക്കാട് ചരിത്രമെഴുതി കമ്മ്യൂണിസ്റ്റ് പാർട്ടി. ആദ്യ വനിതാ സെക്രട്ടറിയായി സുമലതാ മോഹൻദാസ്. കഴിഞ്ഞ മൂന്നു ടേമിലും ജില്ലാ സെക്രട്ടറിയായിരുന്ന കെ പി സുരേഷ് രാജിന് പകരമായാണ് ജില്ലയിലെ ആദ്യ വനിതാ സെക്രട്ടറിയായി അകത്തേത്തറ തോട്ടപ്പുര സ്വദേശി സുമലത മോഹന്ദാസ് എതിരില്ലാതെ തെരഞ്ഞെടുക്കപ്പെട്ടത്. ഇന്നലെ ചേര്ന്ന ജില്ലാ എക്സിക്യൂട്ടീവ് യോഗവും തുടര്ന്ന് ചേര്ന്ന പുതിയ ജില്ലാ കൗണ്സില് പ്രതിനിധികളുടെ യോഗവും സുമലതയെ സെക്രട്ടറിയായി തെരഞ്ഞെടുക്കുകയായിരുന്നു
സിപിഐ സംസ്ഥാന കൗണ്സില് അംഗം, ജില്ലാ അസിസ്റ്റന്റ് സെക്രട്ടറി, കേരള മഹിളാസംഘം ദേശീയ കൗണ്സില് അംഗം- ജില്ലാ സെക്രട്ടറി, മലമ്പുഴ ഗ്രാമപഞ്ചായത്ത് വെെസ് പ്രസിഡന്റ്, സാമൂഹ്യനിതീ വകുപ്പ് കൗണ്സില് അംഗം, എന്നീ നിലകളില് പ്രവര്ത്തിച്ചു വരുന്ന സുമലതാ മോഹന്ദാസ് മികച്ച സംഘാടകയായാണ് അറിയപ്പെടുന്നത്. മലമ്പുഴ ഗ്രാമ പഞ്ചായത്തില് നിന്നും തുടര്ച്ചയായി മൂന്നു തവണ ജനപ്രതിനിധിയായി ജയിച്ച സുമലത മലമ്പുഴ ഗ്രാമ പഞ്ചായത്ത് മുന് പ്രസിഡന്റും (2010-15) മികച്ച പ്രാസംഗികയും കൂടിയാണ്. അഛൻ പരേതനായ കെ മണി, അമ്മ ഭാര്ഗ്ഗവി, ഏകമകന് അഭിഷേക് (ഡിഗ്രി വിദ്യാര്ത്ഥി)
