ചെന്നൈ: ചെന്നൈ ടെസ്റ്റില്‍ ബംഗ്ലാദേശിനെ തകര്‍ത്തെറിഞ്ഞ് ടീം ഇന്ത്യ. ആർ അശ്വിൻ്റെ ഓൾറൗണ്ട് മികവും രവീന്ദ്ര ജഡേജ, ശുഭ്മാൻ ഗിൽ, ഋഷഭ് പന്ത് എന്നിവരുടെ നിർണ്ണായക പ്രകടനവും മുതൽക്കൂട്ടാക്കിയ ഇന്ത്യ 280 റൺസിൻ്റെ വിജയമാണ് നേടിയത്.
515 എന്ന വിജയലക്ഷ്യം പിന്തുടർന്ന ബംഗ്ലാദേശ് ആദ്യ ഇന്നിംഗ്‌സിൽ നിന്ന് വ്യത്യസ്തമായി ഞായറാഴ്ച അമ്പേ മോശാവസ്ഥയിലായിരുന്നു. ആർ അശ്വിൻ്റേയും (6 വിക്കറ്റ്) രവീന്ദ്ര ജഡേജയുടേയും (3 വിക്കറ്റ്) ബൗളിംഗ് മികവിലാണ് ബംഗ്ലദേശിനെ 234 റൺസിൽ പുറത്താക്കിയത്. കരിയറിൽ നാലാം തവണയാണ് അശ്വിൻ സെഞ്ച്വറിയടിച്ച് അഞ്ച് വിക്കറ്റ് നേട്ടം സ്വന്തമാക്കുന്നത്. ചെന്നൈയിലെ വിജയത്തോടെ ടെസ്റ്റ് ക്രിക്കറ്റിൽ തോൽവിയിലേറെ വിജയങ്ങളുടെ എണ്ണത്തിൽ മുൻപന്തിയിലെത്തി പുതു ചരിത്രമെഴുതി ഇന്ത്യ.
ടെസ്റ്റില്‍ ഇതുവരെ ഇന്ത്യ 581 മത്സരങ്ങള്‍ കളിച്ചിട്ടുണ്ട്. 178 തോല്‍വികളും 222 സമനിലകളുമുണ്ടായിരുന്ന ഇന്ത്യയുടെ ജയങ്ങളുടെ എണ്ണം ചെന്നൈ ടെസ്റ്റ്
വിജയത്തോടെ 179 ആയി ഉയര്‍ന്നു.
,.
