കൊച്ചി : സംസ്ഥാനത്തെ സ്വർണവില വില പിടിതരാതെ കുതിച്ച് ഉയരുകയാണ്. 77,000 ത്തിലേക്കടുത്ത് സർവ്വകാല റെക്കോർഡിൽ തൊട്ടു. ഇന്നലെ പവന് 520 രൂപയുടെ വർദ്ധനവാണ് വിലയിൽ ഉണ്ടായതെങ്കിൽ ഇന്നത് 1200 രൂപ കൂടി. ഈ മാസം ഇത് മൂന്നാം തവണയാണ് സ്വർണവിലയിൽ റെക്കോർഡുകൾ രേഖപ്പെടുത്തുന്നത്. 9,620 രൂപയാണ് ഒരു ഗ്രാം സ്വർണത്തിന് ഇന്ന് നൽകേണ്ടത്.
ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കുന്നത്.
