തിരുവനന്തപുരം: അപൂർവ്വമായ ഒരു സ്ഥാനമേൽക്കൽ ചടങ്ങിന് സാക്ഷ്യമാകും അടുത്തിടെ കേരളത്തിൻ്റെ ഭരണസിരാകേന്ദ്രം. . ഭർത്താവ് സ്ഥാനമൊഴിയുമ്പോൾ ആ പദവി ഭാര്യ ഏറ്റെടുക്കുന്ന അപൂർവ്വത! ചീഫ് സെക്രട്ടറി വി.വേണു ഓഗസ്റ്റ് 31-ന് സ്ഥാനമൊഴിയുമ്പോൾ ഭാര്യ
ശാരദ മുരളീധരൻ ആ സ്ഥാനമേറ്റെടുക്കും. സംസ്ഥാനത്ത് ആദ്യമായാണ് ഭര്ത്താവിന് പിന്നാലെ ഭാര്യ ചീഫ് സെക്രട്ടറി സ്ഥാനത്ത് എത്തുന്നത്.
.
നിലവില് പ്ലാനിങ്ങ് അഡീഷണല് ചീഫ് സെക്രട്ടറിയാണ് ശാരദ മുരളീധരന്.
നേരത്തേയും ദമ്പതികള് ചീഫ് സെക്രട്ടറിമാരായായിട്ടുണ്ട്. വി രാമചന്ദ്രന് – പത്മാ രാമചന്ദ്രന്, ബാബു ജേക്കബ് – ലിസി ജേക്കബ് എന്നിവരെല്ലാം ചീഫ്സെക്രട്ടറിമാരായ ദമ്പതിമാരാണ്.
സംസ്ഥാനത്തെ അന്പതാമത് ചീഫ് സെക്രട്ടറിയാണ് ശാരദ മുരളീധരന്. പത്മ രാമചന്ദ്രനായിരുന്നു സംസ്ഥാനത്തെ ആദ്യ വനിതാ ചീഫ് സെക്രട്ടറി. ഈ സ്ഥാനത്ത് എത്തുന്ന അഞ്ചാമത്തെ വനിതയാണ് ശാരദ മുരളീധരന്.
