കോലാർ : ശബരിമലതീർത്ഥാടകർ സഞ്ചരിച്ച കാർ മേൽപ്പാലത്തിൻ്റെ കൈവരിയിൽ ഇടിച്ച് താഴെ അടിപ്പാതയിലേക്ക് വീണ് നാല് പേർ മരിച്ചു. കർണ്ണാടകയിലെ കോലാർ ജില്ലയിൽ തിങ്കളാഴ്ച പുലർച്ചെയാണ് അപകടം. മാലൂർ താലൂക്കിലെ അബ്ബേനഹള്ളി ഗ്രാമത്തിൽ പുലർച്ചെ 2.15 നും 2.30 നും ഇടയിലാണ് അപകടം സംഭവിച്ചതെന്ന് പോലീസ് അറിയിച്ചു.
സുഹൃത്തുക്കളായിരുന്ന മരിച്ച നാല് പേരും കാറിൽ ശബരിമല യാത്രയിലായിരുന്നു. അമിത വേഗതയിലായിരുന്ന കാർ മേൽപ്പാലത്തിൻ്റെ വശത്തെ കൈവരിയിൽ ഇടിച്ച് താഴെയ്ക്ക് പതിയ്ക്കുകയായിരുന്നു. വാഹനവും അതിലുണ്ടായിരുന്ന നാല് പേരും ഏകദേശം 100 മീറ്ററോളം താഴ്ചയിലേക്കാണ് വീണ്ടത്. നാലു പേരും സംഭവസ്ഥലത്ത് വെച്ച് തന്നെ പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹങ്ങൾ ബന്ധുക്കൾക്ക് കൈമാറുമെന്ന് പോലീസ് അറിയിച്ചു.
