കോഴിക്കോട് : കോഴിക്കോട് ബേബി മെമ്മോറിയൽ ആശുപത്രിയിൽ തീപ്പിടുത്തം. ശനിയാഴ്ച രാവിലെ രാവിലെ 9.30 ഓടെയാണ് ഒൻപതാം നിലയിൽ തീപ്പിടിച്ചത്. തീ കെട്ടിടത്തിന്റെ മറ്റ് ഭാഗങ്ങളിലേക്ക് പടരാതെ നിയന്ത്രണവിധേയമാക്കാൻ കഴിഞ്ഞത് വലിയൊരു അപകടമാണ് ഒഴിവാക്കിയത്. ഒൻപതാം നിലയിലെ എയർ കണ്ടീഷനിംഗ് പ്ലാന്റിലാണ് തീ കത്തിപ്പിടിച്ചത്. അവിടെ ഇൻസ്റ്റലേഷൻ ജോലികൾ നടക്കുകയായിരുന്നു
തീപ്പിടിച്ച നിലയിൽ രോഗികളാരും ഉണ്ടായിരുന്നില്ല എന്നത് ഏറെ ആശ്വാസമായി. എട്ടാം നിലയിലെ രോഗികളെയും ജീവനക്കാരെയും സുരക്ഷിതമായി ഒഴിപ്പിച്ചു. കേരള ഫയർ ആൻഡ് റെസ്ക്യൂ സർവ്വീസസിന്റെ ആറ് യൂണിറ്റുകൾ രാവിലെ 10.30 ഓടെ തീ പൂർണ്ണമായും അണച്ചു. ഇതിനെത്തുടർന്ന്, ജീവനക്കാരെയും രോഗികളെയും ആശുപത്രിയിലേക്ക് പ്രവേശിക്കാൻ അനുവദിച്ചു.
തീപ്പിടിത്തത്തിന്റെ കാരണം നിലവിൽ അജ്ഞാതമാണ്. . തീപിടിത്തമുണ്ടായ ഒൻപതാം ബ്ലോക്ക് രോഗികളില്ലാതെ കിടന്നിരുന്നതുകൊണ്ട് ആളപായമൊന്നും റിപ്പോർട്ട് ചെയ്തിട്ടില്ല.
