തിരുവനന്തപുരം : പെന്തക്കോസ്ത് സഭകളെ ക്രൈസ്തവ സഭാ വിഭാഗമായി അംഗീകരിക്കാന് തീരുമാനമെടുത്ത് സംസ്ഥാന സർക്കാർ. ഇന്ന് ചേർന്ന മന്ത്രിസഭാ യോഗത്തിലാണ് തീരുമാനം. പരിവര്ത്തിത ക്രൈസ്തവര് നേരിടുന്ന പ്രശ്നങ്ങള് പരിശോധിച്ച് ശുപാര്ശ നല്കാന് മൂന്നംഗ സമിതിയും രൂപീകരിച്ചു.
പെന്തകോസ്ത് ക്രൈസ്തവര് ഉള്പ്പെടെയുള്ള SCCC, പരിവര്ത്തിത ക്രൈസ്തവ വിഭാഗങ്ങള് നേരിടുന്ന വിവിധ വിഷയങ്ങള് പരിശോധിച്ച് ശുപാര്ശകള് സമര്പ്പിക്കാന് ഐ.എ.എസ് ഉദ്യോഗസ്ഥര് അടങ്ങുന്ന ഒരു കമ്മിറ്റിയെയാണ് ചുമതലപ്പെടുത്തിയത്. ബിശ്വനാഥ സിന്ഹ, ടി.വി.അനുപമ, ജെറോമിക് ജോര്ജ് എന്നിവരാണ് കമ്മിറ്റി അംഗങ്ങള്.
