തിരുവനന്തപുരം: സർക്കാർ ഇരയോടൊപ്പമാണ്, വേട്ടക്കാരനൊപ്പമല്ലെന്ന് മന്ത്രി സജി ചെറിയാന്. ചലച്ചിത്ര അക്കാദമി ചെയർമാൻ സ്ഥാനം സംവിധായകൻ രഞ്ജിത്ത് രാജി വെച്ചതിന് പിന്നാലെയാണ് സജി ചെറിയാന്റെ പ്രതികരണം. ആരെയും സംരക്ഷിക്കാനുള്ള ബാധ്യത സർക്കാരിനില്ല.
രഞ്ജിത്തിനോട് രാജി ആവശ്യപ്പെട്ടതല്ല, ഇങ്ങോട്ട് അറിയിച്ചതെന്നും സജി ചെറിയാന്. എന്നെ മാധ്യമങ്ങള് സ്ത്രീവിരുദ്ധനാക്കി, എനിക്ക് മൂന്ന് പെണ്കുട്ടികളാണ്. സ്ത്രീകൾക്ക് എതിരെയുള്ള ഏതൊരു നീക്കത്തെയും ശക്തമായി ചെറുക്കുന്ന ആളാണ് ഞാൻ. തന്റെ പ്രതികരണം വളച്ചൊടിച്ചെന്നും ഇത് വേദനിപ്പിച്ചെന്നും സജി ചെറിയാന് പറഞ്ഞു.
