തിരുവനന്തപുരം: എല്ലാ മാസവും തുടക്കത്തിൽ തന്നെ ശമ്പളം ലഭിക്കുകയെന്നതു കെഎസ്ആർടിസി ജീവനക്കാരുടെ ആഗ്രഹമാണെന്നും അതിന് ഉടൻ തീരുമാനമാകുമെന്നും മുഖ്യമന്ത്രി പിണറായി വിജയൻ. ആധുനിക സൗകര്യങ്ങളോടെ കെഎസ്ആർടിസി നിരത്തിലിറക്കുന്ന 10 സ്വിഫ്റ്റ് സൂപ്പർഫാസ്റ്റ് പ്രീമിയം എസി’ ബസ്സുകളുടെ ഫ്ലാഗ്ഓഫ് ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
ശമ്പളം ഒന്നിച്ചു നൽകിത്തുടങ്ങിയതിൻ്റെ അടുത്തഘട്ടമായി എല്ലാ മാസവും ഒന്നാം തീയതിയോ രണ്ടാം തീയതിയോ ശമ്പള വിതരണം നടത്തുമെന്ന മന്ത്രി കെ.ബി.ഗണേഷ് കുമാറിൻ്റെ പ്രഖ്യാപനം ആവർത്തിച്ച മുഖ്യമന്ത്രി നല്ലൊരു ഭാവിയിലേക്കു കെഎസ്ആർടിസി കുതിക്കുകയാണെന്നും പറഞ്ഞു. സ്വിഫ്റ്റ് മുഖ്യമന്ത്രി. കെഎസ്ആർടിസി തനത് ഫണ്ട് ഉപയോഗിച്ചാണ് ബസുകൾ നിരത്തിലിറക്കിയത്. ബസിൽ യാത്രക്കാർക്ക് തുടക്കത്തിൽ സൗജന്യമായും കൂടുതൽ ആവശ്യമെങ്കിൽ പണമടച്ചും ഉപയോഗിക്കാവുന്ന വൈഫൈ സൗകര്യമുണ്ട്. എല്ലാ സീറ്റിലും മൊബൈൽ ചാർജിങ് പോർട്ടുകൾ, വായനയ്ക്കുള്ള ലൈറ്റ്, വിഡിയോ ഡിസ്പ്ലേ, മ്യൂസിക് സിസ്റ്റം, മാഗസിൻ പൗച്ച്, ബോട്ടിൽ വയ്ക്കാനുള്ള സൗകര്യം എന്നിവയുമുണ്ട്.
