പാരീസ്: ഒളിമ്പിക്സ് പുരുഷ സിംഗിൾസ് ബാഡ്മിന്റണിൽ ജയത്തോടെ തുടങ്ങി മലയാളി താരം എച്ച്.എസ്. പ്രണോയ്. ഗ്രൂപ്പ് ഘട്ടത്തിൽ ജർമനിയുടെ ഫാബിയൻ റോത്തിനെ നേരിട്ടുള്ള സെറ്റുകൾക്കാണ് തകർത്തത്. 21-18, 21-12 എന്ന സ്കോറിനാണ് ജയം. ആദ്യ ഗെയിം 23 മിനിറ്റിലും രണ്ടാം ഗെയിം 22 മിനിറ്റിലും അവസാനിപ്പിച്ചു. 45 മണിക്കൂർ നീണ്ടുനിന്ന പോരാട്ടത്തിനൊടുവിലാണ് പ്രണോയ് ജയമുറപ്പിച്ചത്.
2023-ൽ ബി.ഡബ്ല്യു.എഫ്. ലോക ടൂറിൽ കന്നിക്കിരീടം, ലോകചാമ്പ്യൻഷിപ്പിൽ വെങ്കലം, ഏഷ്യൻ ഗെയിംസിൽ വെങ്കലം എന്നിവ നേടിയിരുന്നു പ്രണോയ്.
