തിരുവനന്തപുരം: ഓണക്കാലത്തെ മദ്യവിൽപന മുൻ വർഷത്തെ അപേക്ഷിച്ച് താഴോട്ട് പോയി. 14 കോടി രൂപയുടെ കുറവ്. ബാറുകളുടെ എണ്ണം കഴിഞ്ഞ വർഷത്തേക്കാൾ കൂടിയിട്ടും മദ്യവില്പനയിൽ കാര്യമായ പുരോഗതിയുണ്ടായില്ല എന്നാണ് കണക്കുകൾ സൂചിപ്പിക്കുന്നത്.
ഉത്രാടദിനം വരെ ഒൻപതു ദിവസം 701 കോടി രൂപയുടെ മദ്യ വില്പനയാണ് ഈ സീസണിൽ നടന്നത്. എന്നാൽ മുൻ വർഷത്തെ വിൽപന 715 കോടി രൂപയായിരുന്നു. എന്നാൽ ഇത്തവണ ഉത്രാടം ദിനത്തില് മാത്രം മദ്യവില്പന കൂടിയതായാണ് കാണുന്നത്. നാല് കോടി രൂപയുടെ വര്ദ്ധനയാണ് രേഖപ്പെടുത്തിയത്. അതായത് , ഉത്രാട പാച്ചിലിൽ വിറ്റഴിച്ചത്
124 കോടി രൂപയുടെ മദ്യം.
