[ Photo Courtesy : AP ]
ഒട്ടാവ: മാര്ക്ക് കാര്ണി കാനഡയുടെ പുതിയ പ്രധാനമന്ത്രി. ജസ്റ്റിന് ട്രൂഡോയ്ക്ക് പകരക്കാരനെ കണ്ടെത്താൻ ഭരണകക്ഷിയായ ലിബറല് പാര്ട്ടി അംഗങ്ങള്ക്കിടയില് നടന്ന തെരഞ്ഞെടുപ്പില് മുന് ധനമന്ത്രി ക്രിസ്റ്റ്യ ഫ്രീലാന്ഡിനെ ബഹുദൂരം പിന്നിലാക്കിയാണ് മാർക്ക് കാര്ണി കനഡയുടെ 24-ാമത് പ്രധാനമന്ത്രിയായത്. ലിബറൽ പാർട്ടി പ്രസിഡൻ്റ് സച്ചിത് മെഹ്റയാണ് മാർക്ക് കാർണിയുടെ വിജയം പ്രഖ്യാപിച്ചത്.
ലിബറൽ പാർട്ടി നേതൃത്വ മത്സരത്തിൽ 85.9 ശതമാനം വോട്ടുകൾ നേടിയാണ് കാർണി നിർണായക വിജയം ഉറപ്പിച്ചത്. പാർട്ടിയുടെ ആഭ്യന്തര എതിർപ്പിനെയും ഫ്രീലാൻഡ് മന്ത്രിസഭയിൽ നിന്ന് വിട്ടുനിന്നതിനെത്തുടർന്ന് ജനുവരി ആദ്യം ട്രൂഡോ രാജി പ്രഖ്യാപിച്ചതിന് ശേഷമാണ് ലിബറൽ പാർട്ടിക്കുള്ളിൽ നേതൃത്വ മത്സരം ആരംഭിച്ചത്.
കാര്യമായ രാഷ്ട്രീയ പശ്ചാത്തലമില്ലാത്ത 59കാരനായ കാര്ണി 2008 മുതൽ 2013 വരെ ബാങ്ക് ഓഫ് കാനഡയുടെ എട്ടാമത്തെ ഗവർണറായി സേവനമനുഷ്ഠിച്ചിട്ടുണ്ട്. 2011 മുതൽ 2018 വരെ ഫിനാൻഷ്യൽ സ്റ്റെബിലിറ്റി ബോർഡിൻ്റെ ചെയർമാനായും അദ്ദേഹം സേവനമനുഷ്ഠിച്ചു.
2008-ലെ സാമ്പത്തിക പ്രതിസന്ധിയുടെ ഏറ്റവും വിനാശകരമായ ഒരു ഫലം ഒഴിവാക്കാൻ കാനഡയെ സഹായിച്ചപ്പോൾ മുൻ ഗോൾഡ്മാൻ സാച്ച്സ് എക്സിക്യൂട്ടീവ് പ്രശസ്തി നേടി. അമേരിക്കൻ പ്രസിഡൻ്റ് ഡൊണാൾഡ് ട്രംപിനെ നേരിടാൻ ഏറ്റവും വിശ്വസ്തനായ രാഷ്ട്രീയക്കാരനായി അദ്ദേഹത്തെ രാജ്യക്കാർ അംഗീകരിക്കുന്നതായി സർവ്വെകൾ സൂചിപ്പിച്ചിരുന്നു.
