ന്യൂഡൽഹി : ജമ്മു കശ്മീരിന് സംസ്ഥാന പദവി പുനഃസ്ഥാപിക്കണമെന്ന് അഭ്യർത്ഥിച്ച് പ്രധാനമന്ത്രി നരേന്ദ്ര മോദിക്ക് കത്തയച്ച് പ്രതിപക്ഷ നേതാവ് രാഹുൽ ഗാന്ധി. ഇതു സംബന്ധിച്ച ബിൽ പാർലമെന്റിന്റെ വരാനിരിക്കുന്ന മൺസൂൺ സമ്മേളനത്തിൽ കൊണ്ടുവരണമെന്നാണ് കത്തിൽ വ്യക്തമാക്കുന്നത്.
ഈ ആവശ്യം നിയമാനുസൃതവും ഭരണഘടനാപരവും ജനാധിപത്യപരവുമായ അവകാശങ്ങളിൽ ഉറച്ചുനിൽക്കുന്നതുമാണെന്ന് ഗാന്ധി കത്തിൽ പറഞ്ഞു. എന്നാൽ, ജൂലൈ 21 ന് ആരംഭിക്കാനിരിക്കുന്ന സമ്മേളനത്തിൽ അത്തരമൊരു ബിൽ കൊണ്ടുവരാൻ പദ്ധതിയില്ലെന്നാണ് സർക്കാർ വൃത്തങ്ങൾ നൽകുന്ന സൂചന.
