കൊല്ലം : ശബരിമല സ്വർണ്ണക്കവർച്ചാക്കേസിൽ നിർണ്ണായക ശാസ്ത്രീയ പരിശോധന റിപ്പോർട്ട് കോടതിയിൽ സമർപ്പിച്ച് എസ്ഐടി. ദ്വാരപാലക ശിൽപ്പം, കട്ടിളപാളി തുടങ്ങി 15 സാമ്പിളുകളുടെ വിഎസ്എസ്സിയിൽ നടത്തിയ പരിശോധന റിപ്പോർട്ടാണ് കോടതിയിൽ സമർപ്പിച്ചത്. സ്വർണ്ണം പൂശിയ ചെമ്പു പാളികളുടെയും പരിശോധന ഫലം കൈമാറി. ഇന്ന് സീൽ ചെയ്ത കവറിലാണ് റിപ്പോർട്ട് കോടതിക്ക് കൈമാറിയത്.
ശബരിമലയിൽ നിന്നും എത്രത്തോളം സ്വർണ്ണം നഷ്ടമായി എന്നറിയുന്നതിന് ഈ പരിശോധന ഫലം നിർണ്ണായകമാണ്. പാളികള് മാറ്റിയോ, പുതിയ പാളികളിലാണോ സ്വർണ്ണം പൂശിയത്, പഴയപാളികൾ ഇപ്പോഴും സുരക്ഷിതമാണോ എന്നിങ്ങനെയുള്ള ചോദ്യങ്ങൾക്ക് ഉത്തരം കണ്ടെത്താൻ ഈ പരിശോധന ഫലം ഗുണകരമാകും.
