തിരുവനന്തപുരം : ക്രിസ്മസ്, പുതു വത്സരം പ്രമാണിച്ച് ക്ഷേമ പെൻഷൻ ഡിസംബർ 15 മുതൽ നൽകാൻ തീരുമാനം. ഇതു സംബന്ധിച്ച് ധനവകുപ്പ് ഉത്തരവിറക്കി. വർദ്ധിപ്പിച്ച തുകയായ 2000 രൂപ വീതമാണ ലഭിക്കുക. ഇതിനായി 1045 കോടി രൂപ ധനകാര്യമന്ത്രി കെ എൻ ബാലഗോപാൽ അനുവദിച്ചു.
62 ലക്ഷത്തോളം പേർക്കാണ് പെൻഷൻ ലഭിക്കുന്നത്.
26.62 ലക്ഷം പേരുടെ ബാങ്ക് അക്കൗണ്ടിൽ തുക എത്തും. മറ്റുള്ളവർക്ക് സഹകരണ ബാങ്കുകൾ വഴി വീട്ടിലെത്തി പെൻഷൻ തുക കൈമാറും. 8.46 ലക്ഷം പേർക്കുള്ള കേന്ദ്ര വിഹിതവും സംസ്ഥാന സർക്കാർ മുൻകൂർ അനുവദിച്ചിട്ടുണ്ട്.
ഒരുമാസത്തെ ക്ഷേമ പെന്ഷന് നല്കാന് നേരത്തെ 900 കോടിയോളം രൂപയാണ് വേണ്ടിയിരുന്നത്. മാസം 400 രൂപകൂടി വര്ദ്ധിപ്പിച്ചതോടെ 1050 കോടി രൂപയായി അത് ഉയർന്നു. ഒമ്പതര വര്ഷത്തെ എല്ഡിഎഫ് ഭരണത്തില് 80, 671 കോടി രൂപയാണ് സര്ക്കാര് ഇതുവരെ പെന്ഷനുവേണ്ടി അനുവദിച്ചത്.
