ഷാര്ജ: വനിതാ ട്വന്റി20 ലോകകപ്പില് ഇന്ത്യന് പ്രതീക്ഷ അവസാനിച്ചു. ഇന്ന് നടന്ന നിര്ണായകമായ ഗ്രൂപ്പ് എ മത്സരത്തില് ന്യൂസിലന്ഡ് പാക്കിസ്ഥാനെ പരാജയപ്പെടുത്തിയതോടെയാണ് ഇന്ത്യ സെമി കാണാതെ പുറത്തായത്. പാക്കിസ്ഥാനെ തോല്പ്പിച്ച ന്യൂസിലന്ഡ് സെമി കളിക്കും. പാക്കിസ്ഥാനും ടൂര്ണ്ണമെന്റില് നിന്ന് പുറത്തായി. അവസാന ഗ്രൂപ്പ് മത്സരത്തില് 54 റണ്സിനാണ് ന്യൂസിലന്ഡിന്റെ ജയം. 111 റണ്സ് വിജയലക്ഷ്യം പിൻതുടർന്ന പാക്കിസ്ഥാൻ 56 റണ്സിന് ബാറ്റിംഗ് അവസാനിപ്പിച്ചു.
പാക്കിസ്ഥാന് ജയിച്ചാല് ഇന്ത്യയ്ക്ക് സെമി സാധ്യതയുണ്ടായിരുന്നു. .ഗ്രൂപ്പ് എയില് നാല് മത്സരങ്ങളില്നിന്ന് എട്ട് പോയന്റുമായാണ് ഓസ്ട്രേലിയ സെമിയിലെത്തിയത്. കളിച്ച എല്ലാ മത്സരങ്ങളും ടീം വിജയിച്ചു. നാല് മത്സരങ്ങളില്നിന്ന് ആറ് പോയന്റോടെ ഗ്രൂപ്പില് രണ്ടാമതായാണ് ന്യൂസിലന്ഡ് അടുത്ത റൗണ്ടിലെത്തിയത്. രണ്ട് വീതം ജയവും തോല്വിയുമായി നാല് പോയന്റുമായി ഇന്ത്യ ഗ്രൂപ്പില് മൂന്നാമതാണ്
