തിരുവനന്തപുരം : അന്തരിച്ച പത്രപ്രവര്ത്തകന് എന്.നരേന്ദ്രന്റെ സ്മരണാര്ത്ഥം എല്ലാ കൊല്ലവും നടത്താറുള്ള എന്.നരേന്ദ്രന് സ്മാരക പ്രഭാഷണം 23- ാം വര്ഷത്തിലേക്ക് കടക്കുന്നു. സ്മാരക പ്രഭാഷണം ഇക്കൊല്ലം നിര്വ്വഹിക്കുന്നത് ‘ന്യൂസ് ക്ലിക്ക്’ ഡിജിറ്റല് ന്യൂസ് പോര്ട്ടലിന്റെ എഡിറ്റര്-ഇന്-ചീഫും സ്ഥാപകനുമായ പ്രബീര് പുര്കായസ്ഥയാണ്. എഴുത്തുകാരനും ചിന്തകനും ജനകീയ ശാസ്ത്ര പ്രചാരകനുമാണ് പ്രബീര് പുര്കായസ്ഥ.
എഞ്ചിനീയര് കൂടിയായ ഇദ്ദേഹം പ്രമുഖ ജനകീയ ശാസ്ത്ര പ്രസ്ഥാനമായ ഡല്ഹി സയന്സ് ഫോറത്തിന്റെ സ്ഥാപകരിലൊരാളാണ്. സ്വതന്ത്ര സോഫ്റ്റ്വെയര്, ആണവവിരുദ്ധ പ്രചാരണം തുടങ്ങിയ മേഖലകളിലെ സാമൂഹ്യ പ്രസ്ഥാനങ്ങളിലും അദ്ദേഹം സജീവ പങ്കുവഹിക്കുന്നു. ഫ്രീ സോഫ്റ്റ്വെയര് മൂവ്മെന്റ് ഓഫ് ഇന്ത്യയുടെ ദേശീയ വൈസ് പ്രസിഡന്റുമാരില് ഒരാളാണ്. വിവിധ അക്കാദമിക് ആനുകാലികങ്ങളിലെ സ്ഥിരം എഴുത്തുകാരനുമാണ്.
ഭരണകൂട ഭീകരതയുടെ ഇരയായി യു.എ.പി.എ കേസില് അറസ്റ്റു ചെയ്യപ്പെട്ട പ്രബീര് പുര്കായസ്ഥ സുപ്രീം കോടതിയുടെ ഇടപെടലിനെ തുടര്ന്ന് ഈയിടെ ജയില് മോചിതനായിരുന്നു.
