മലപ്പുറം: സി.പി. എമ്മിനെതിരായ പോര് തുടരുന്നതിനിടെ പുതിയ രാഷ്ട്രീയ പാർട്ടി പ്രഖ്യാപനവുമായി നിലമ്പൂർ എംഎൽഎ പിവി അൻവർ. “യുവാക്കൾ അടക്കമുള്ള പുതിയ ടീം വരും, പുതിയ രാഷ്ട്രീയ പാർട്ടി രൂപീകരിക്കും ഇനി പറയാതിരുന്നിട്ട് കാര്യമില്ല” അൻവർ പറഞ്ഞു.
മതേതരത്വത്തിൽ ഊന്നി ദളിത്, പിന്നോക്കക്കാരെയും കൂട്ടി ചേർത്ത് ആയിരിക്കും പുതിയ പാർട്ടിയെന്നും കേരളത്തിലെ എല്ലാ പഞ്ചായത്തുകളിലും പാർട്ടിക്ക് സ്ഥാനാർത്ഥികളുണ്ടാവുമെന്നും അൻവർ കൂട്ടിച്ചേർത്തു.
ഹിന്ദു പത്രത്തിൽ വന്ന മുഖ്യമന്ത്രിയുടെ അഭിമുഖത്തിലെ മലപ്പുറം പരാമർശത്തിലും അന്വര് ഒട്ടേറെ വിമർനങ്ങളുയർത്തി.
