മുംബൈ: രാഹുല് ദ്രാവിഡിന് പകരക്കാരനായി ഇന്ത്യൻ പുരുഷ ക്രിക്കറ്റ് ഹെഡ് കോച്ചായി ഗൗതം ഗംഭീർ എത്തിയതോടെ ഇതുവരെ വേണ്ടത്ര പരിഗണിക്കപ്പെടാത്ത പല കളിക്കാരും ടീം ഇന്ത്യയുടെ ഭാഗമാകും. അത്തരത്തിൽ പെട്ട ഒരാളാണ് പേസര് നവ്ദീപ് സൈനി. ശ്രീലങ്കയ്ക്കെതിരായ വൈറ്റ് ബോള് മത്സരങ്ങള്ക്കായി തയ്യാറാക്കപ്പെടുന്ന പുതിയ ടീമിൽ കുല്ദീപ് യാദവിനൊപ്പം പേസര് നവ്ദീപ് സൈനിയും ഇന്ത്യ ടീമിൽ സാന്നിദ്ധ്യമറിയിക്കും.
രവി ശാസ്ത്രിയും രാഹുല് ദ്രാവിഡും മുഖ്യ പരിശീലകരായിരിക്കുമ്പോഴൊന്നും നവദീപിന് വേണ്ടത്ര അവസരങ്ങള് നല്കിയില്ല. ഗൗതം ഗംഭിർ നേതൃത്വം നൽകിയിരുന്ന കഴിഞ്ഞ ഐപിഎല് കൊൽക്കത്ത ടീമിൽ നവദീപ് അംഗമായിരുന്നു. 2021ലാണ് സൈനി അവസാനമായി ഇന്ത്യക്കായി കളിച്ചത്.
