ന്യൂഡൽഹി : ഡൽഹിയിൽ തിങ്കളാഴ്ച പുലർച്ചെ ശക്തമായ ഭൂചലനം അനുഭവപ്പെട്ടു. റിക്ടര് സ്കെയിലില് 4.0 രേഖപ്പെടുത്തിയ ഭൂചലനമാണ് പുലര്ച്ചെ 5.35 ന് രാജ്യ തലസ്ഥാനത്ത് ഉണ്ടായത്. നിലവില് അത്യാഹിതങ്ങളും ആളപായവും റിപ്പോര്ട്ട് ചെയ്തിട്ടില്ല. ഡല്ഹിയുള്പ്പെടെ ഉത്തരേന്ത്യയിലെമ്പാടും ഭൂചലനത്തിന്റെ പ്രകമ്പനങ്ങള് അനുഭവപ്പെട്ടു.
ഭൂചലനത്തിന്റെ പ്രഭവ കേന്ദ്രം ഡൽഹി വിമാനത്താവളത്തിന് സമീപമുള്ള ധൗല കുവയിലാണെന്നാണ് പുറത്തുവരുന്ന വിവരങ്ങള്. ഭൂചലനത്തെ തുടര്ന്ന് പരിഭ്രാന്തരായ ആളുകള് തുറസായ സ്ഥലത്തേക്ക് മാറി. സംഭവത്തിന്റെ കൂടുതല് വിവരങ്ങള് പുറത്തുവരുന്നതേയുള്ളു.
ഡല്ഹിയില് അഞ്ച് കിലോമീറ്റര് ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്നാണ് നാഷണല് സെന്റര് ഫോര് സീസ്മോളജി അറിയിച്ചിരിക്കുന്നത്. ഡല്ഹിയും സമീപ പ്രദേശങ്ങളും ഭൂകമ്പ സാദ്ധ്യതാ മേഖലയിലുള്പ്പെടുന്ന സ്ഥലങ്ങളാണ്.
