കേരളത്തില് ഇന്നും മഴ കനക്കുമെന്നാണ് റിപ്പോർട്ട്. ആഗോള മഴപ്പാത്തിയായ എംജെഒ (മാഡന് ജൂലിയന് ഓസിലേഷന്) കിഴക്കന് ഇന്ത്യന് മഹാസമുദ്രത്തില്നിന്നു പടിഞ്ഞാറന് പസിഫിക് സമുദ്രത്തിലേക്കു നീങ്ങുന്നുവെന്നാണ് കണ്ടെത്തൽ. എംജെഒ സ്വാധീനത്താല് ബംഗാള് ഉള്ക്കടലില് ചക്രവാതച്ചുഴിയും ന്യൂനമര്ദങ്ങളും രൂപംകൊള്ളാനും സാദ്ധ്യതയുണ്ട്. കേരളത്തില് അടുത്ത 5 ദിവസം ഇടത്തരം മഴയോ ഒറ്റപ്പെട്ട സ്ഥലങ്ങളില് അതിശക്തമായ മഴയോ പ്രതീക്ഷിക്കാമെന്ന് കാലാവസ്ഥ വകുപ്പ് അറിയിച്ചു. മിന്നലിനും കാറ്റിനും സാദ്ധ്യതയുള്ളതിനാല് ജനങ്ങൾ ജാഗ്രത പാലിക്കണം.
അതി തീവ്ര മഴയ്ക്ക് സാദ്ധ്യത കൽപ്പിക്കുന്ന മലപ്പുറം, കണ്ണൂര്, കാസര്ഗോഡ് ജില്ലകളില് ഇന്ന് റെഡ് അലര്ട്ടും എറണാകുളം, തൃശ്ശൂര്, പാലക്കാട്, കോഴിക്കോട്, വയനാട് ജില്ലകളില് ഓറഞ്ച് അലര്ട്ടും പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളില് മഞ്ഞ അലര്ട്ടും കേന്ദ്ര കാലാവസ്ഥ വകുപ്പ് പ്രഖ്യാപിച്ചു. കേരളം- കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലായെന്നും കേന്ദ്ര കാലാവസ്ഥ വകുപ്പ് അറിയിച്ചു.
