കൊച്ചി∙ അഭിനേതാക്കളുടെ സംഘടനയായ ‘അമ്മ’യിലെ കൂട്ടരാജിയിലും അഭിപ്രായ ഭിന്നത. സംഘടനയുടെ എക്സിക്യൂട്ടീവിൽ നിന്ന് രാജിവച്ചിട്ടില്ലെന്ന് വ്യക്തമാക്കി രണ്ടു നടിമാർ. നടിമാരായ സരയുവും അനന്യയുമാണ് അവകാശവാദവുമായി രംഗത്തെത്തിയത്.
ഭരണസമിതി പിരിച്ചുവിട്ട സാഹചര്യത്തിൽ എങ്ങനെ സ്ഥാനത്തു തുടരാനാകുമെന്നാണ് മുൻ നേതൃത്വത്തിന്റെ പ്രതികരണം. നിയമോപദേശം ലഭിച്ചതിനുശേഷമാണ് ഭരണസമിതി പിരിച്ചുവിട്ടതെന്നും മുൻ നേതൃത്വം പറഞ്ഞു. നടിമാരുടേത് അവരുടെ അഭിപ്രായം മാത്രമാണ്. നടിമാർ ആദ്യമെ വിയോജിപ്പ് രേഖപ്പെടുത്തിയിരുന്നെന്നാണ് അറിയുന്നത്. എന്നാൽ ഭൂരിപക്ഷത്തിന്റെ അഭിപ്രായം കണക്കിലെടുത്ത് ഭരണസമിതി പിരിച്ചുവിടാൻ പ്രസിഡന്റ് മോഹൻലാൽ തീരുമാനിക്കുകയായിരുന്നു.
