പാക്കിസ്ഥാൻ ബാറ്റ്സ്മാൻ ബാബർ അസം ക്യാപ്റ്റൻ സ്ഥാനം ഒഴിഞ്ഞു. ഏകദിനത്തിലും ടി20യിലും സ്ഥാനമൊഴിയുന്നതായി ബുധനാഴ്ച സോഷ്യൽ മീഡിയയിൽ അറിയിച്ച ബാബർ, സെപ്റ്റംബറിൽ തൻ്റെ തീരുമാനം പാകിസ്ഥാൻ ക്രിക്കറ്റ് ബോർഡിനെയും (പിസിബി) ടീം മാനേജ്മെൻ്റിനെയും അറിയിച്ചിട്ടുണ്ടെന്നും കൂട്ടിച്ചേർത്തു.
നായകസ്ഥാനം കാര്യമായ ജോലിഭാരം കൂട്ടിയെന്നും സ്ഥാനമൊഴിയുന്നതിലൂടെ ടീമിന് ബാറ്റുകൊണ്ട് സംഭാവന നൽകുന്നതിന് തൻ്റെ ഊർജം പകരുമെന്നും ബാബർ പറഞ്ഞു. ഇൻ്റർനാഷണൽ ക്രിക്കറ്റ് കൗൺസിൽ ടെസ്റ്റ് റാങ്കിംഗിൽ ആദ്യ പത്തിൽ നിന്ന് പുറത്തായതിന് തൊട്ടുപിന്നാലെയാണ് താരത്തിൻ്റെ തീരുമാനം.
“പ്രിയ ആരാധകരേ, ഇന്ന് ഞാൻ നിങ്ങളുമായി ചില വാർത്തകൾ പങ്കിടുകയാണ്. കഴിഞ്ഞ മാസം പിസിബിക്കും ടീം മാനേജ്മെൻ്റിനും ഞാൻ നൽകിയ അറിയിപ്പ് പ്രകാരം പാകിസ്ഥാൻ പുരുഷ ക്രിക്കറ്റ് ടീമിൻ്റെ ക്യാപ്റ്റൻ സ്ഥാനം രാജിവയ്ക്കാൻ ഞാൻ തീരുമാനിച്ചു,” ബാബർ കുറിച്ചു
പാകിസ്ഥാൻ ക്രിക്കറ്റിലെ പൊതു പ്രവണതകൾ കണക്കിലെടുക്കുമ്പോൾ ഈ പുതിയ സംഭവവികാസങ്ങൾ ഒട്ടും പുതുമയല്ല. ടെസ്റ്റ് ടീം അടുത്തിടെ ബംഗ്ലാദേശിനോട് ചരിത്രത്തിലാദ്യമായി തോറ്റു, ഒരു അന്താരാഷ്ട്ര ടീമെന്ന നിലയിൽ പാകിസ്ഥാൻ്റെ മൊത്തത്തിലുള്ള മനോവീര്യവും മോശാവസ്ഥയിലാണ്.
,.
,
