(പ്രതീകാത്മക ചിത്രം)
നാഗ്പൂർ : ബോംബ് ഭീഷണിയെ തുടർന്ന് കൊച്ചിയിൽ നിന്ന് ഡൽഹിയിലേക്ക് പോയ ഇൻഡിഗോ വിമാനം നാഗ്പൂർ വിമാനത്താവളത്തിൽ അടിയന്തരമായി ഇറക്കി.
6E2706 എന്ന വിമാനം രാവിലെ 9:20 ന് കൊച്ചി വിമാനത്താവളത്തിൽ നിന്ന് പുറപ്പെട്ട് ഉച്ചയ്ക്ക് 12:35 ന് ഡൽഹിയിൽ എത്തിച്ചേരേണ്ടതായിരുന്നു. ഇതിനിടയിലാണ് ബോംബ് ഭീഷണി വന്നത്. അപ്പോഴേക്കും
വിമാനം കൊച്ചിയിൽ നിന്ന് പറന്നുയർന്നിരുന്നു. തുടർന്ന് നാഗ്പൂരിൽ ഇറക്കുകയായിരുന്നു.
ഭീഷണിയുമായ ബന്ധപ്പെട്ട അന്വേഷണം പുരോഗമിക്കുകയാണ്. ചൊവ്വാഴ്ച രാവിലെ ഡൽഹിയിലേക്ക് പോയ ഇൻഡിഗോ വിമാനത്തിന് ബോംബ് ഭീഷണി ലഭിച്ചതായി കൊച്ചി വിമാനത്താവള വൃത്തങ്ങൾ സ്ഥിരീകരിച്ചു. 157 യാത്രക്കാരും ആറ് ജീവനക്കാരുമാണ് വിമാനത്തിൽ ഉണ്ടായിരുന്നത്. പരിശോധനകൾക്ക് ശേഷം വിമാനം ഡൽഹിക്ക് പോകുമെന്ന് സിയാൽ അധികൃതർ അറിയിച്ചു.
