ഒട്ടാവ : കാനഡയിൽ പൊതു തെരഞ്ഞെടുപ്പ് പ്രഖ്യാപിച്ച് പ്രധാനമന്ത്രി മാർക്ക് കാർണി. ഏപ്രിൽ 28 ന് തെരഞ്ഞെടുപ്പ് നടക്കും. ജസ്റ്റിൻ ട്രൂഡോയുടെ പിൻഗാമിയായി ചുമതലയേറ്റ് രണ്ടാഴ്ചയ്ക്കുള്ളിലാണ് പാർലമെന്റ് പിരിച്ചുവിട്ട് തെരഞ്ഞെടുപ്പ് നടത്താനുള്ള മാർക്ക് കാർണിയുടെ തീരുമാനം. ഗവര്ണര് ജനറല് മേരി സൈമണുമായുള്ള കൂടിക്കാഴ്ചക്ക് ശേഷമാണ് തെരഞ പ്രഖ്യാപനം വന്നത്.
യുഎസ് – കാനഡ വ്യാപാര യുദ്ധത്തിനിടെയാണ് തെരഞ്ഞെടുപ്പ് പ്രഖ്യാപനമെന്നത് കടുത്ത ട്രംപ് വിരുദ്ധൻ കൂടിയായി കാർണിക്ക് ജനപിന്തുണയേറ്റും. പൊതുവെ തന്നെ ജനപിന്തുണയിൽ കാർണി ഏറെ മുന്നിലാണെന്നാണ് സര്വ്വേകളും പറയുന്നത്. കാനഡയെ യുഎസിനോട് കൂട്ടിച്ചേർക്കാനുള്ള ട്രംപിന്റെ നീക്കത്തോടും കാനഡക്കെതിരായ തീരുവ വർദ്ധനകളും വോട്ടുകളാക്കാനാണ് കാർണിയുടെ ശ്രമം. നെഗറ്റീവ് രാഷ്ട്രീയത്തിനെതിരെയും ഡൊണാൾഡ് ട്രംപ് ഏർപ്പെടുത്തിയ താരിഫുകൾക്കെതിരെ പോരാടുമെന്ന് പ്രഖ്യാപിച്ച് കാർണി പ്രചരണവും തുടങ്ങി.
