കൊച്ചി : എറണാകുളം, പാലക്കാട് ജില്ലകളിലായി സഭാതർക്കം നിലനിൽക്കുന്ന ആറ് പള്ളികൾ ഏറ്റെടുക്കാൻ കലക്ടർമാർക്ക് നിർദ്ദേശം നൽകി ഹൈക്കോടതി. ഓടക്കാലി സെന്റ് മേരീസ് പള്ളി ഓർത്തഡോക്സ് സഭയ്ക്കു കൈമാറുന്ന വിഷയത്തിൽ കോടതിയലക്ഷ്യ ഹർജികൾ പരിഗണിക്കുകയായിരുന്നു ജസ്റ്റിസ് വി.ജി.അരുൺ
എറണാകുളം ജില്ലയിലെ ഓടക്കാലി സെന്റ് മേരീസ് ഓർത്തഡോക്സ് പള്ളി, പോത്താനിക്കാട് സെന്റ് ജോൺസ് ബെസ്ഫാഗെ ഓർത്തഡോക്സ് സിറിയൻ പള്ളി, പാലക്കാട് ജില്ലയിലെ മംഗളം ഡാം സെന്റ് മേരീസ് ഓർത്തഡോക്സ് പള്ളി, എരിക്കിൻചിറ സെന്റ് മേരീസ് ഓർത്തഡോക്സ് സിറിയൻ പള്ളി, ചെറുകുന്നം സെന്റ് തോമസ് ഓർത്തഡോക്സ് പള്ളി എന്നീ ദേവാലയങ്ങൾ ഏറ്റെടുക്കാനാണു കലക്ടർമാർക്കു ഹൈക്കോടതി നിർദ്ദേശം നൽകിയത്.
ഹർജി ഇനി പരിഗണിക്കുന്ന അടുത്ത മാസം 30നു മുൻപ് ഇതു സംബന്ധിച്ച് കലക്ടർമാർ റിപ്പോർട്ട് നൽകണം. കലക്ടർമാരെ സഹായിക്കാനായി എറണാകുളം, പാലക്കാട് ജില്ലാ പൊലീസ് മേധാവിമാർ മതിയായ സേനയെ നിയോഗിക്കണമെന്നും കോടതി നിർദ്ദേശിച്ചു.
