(File Photo Credits : AFP)
ഗാസ: ഗാസയില് ഇസ്രയേല് നടത്തിയ സൈനിക ആക്രമണത്തില് 40000 ത്തിലധികം മനുഷ്യർ കൊല്ലപ്പെട്ടതായി ഗാസ ആരോഗ്യ മന്ത്രാലയം. വ്യാഴാഴ്ച മന്ത്രാലയം സ്ഥിരീകരിച്ച മരണ സംഖ്യ 40005 ആണ് – 23 ലക്ഷത്തോളം വരുന്ന ഗാസയിലെ ജനസംഖ്യയുടെ 1.7 ശതമാനം!
ഇസ്രയേല് ബോംബാക്രമണത്തില് ഗാസയിലെ പകുതിയിലധികം കെട്ടിടങ്ങളും പൂര്ണ്ണമായും തകർന്നു പോയിട്ടുണ്ട്. ബിബിസി റിപ്പോര്ട്ട് അനുസരിച്ച്, കഴിഞ്ഞ കുറച്ചുമാസങ്ങളായി റാഫായിലാണ് ഏറ്റവും കൂടുതല് നാശനഷ്ടങ്ങള് സംഭവിച്ചുകൊണ്ടിരിക്കുന്നത്.
ഗാസയില് കൊല്ലപ്പെട്ടവരിൽ ഏറെയും കുട്ടികളും സ്ത്രീകളും പ്രായമായവരുമാണെന്നതാണ് ശ്രദ്ധേയം. അന്താരാഷ്ട്ര പത്രപ്രവര്ത്തകരെ സ്വതന്ത്രമായി ഗാസയിലേക്ക് പ്രവേശിക്കുന്നതിന്
ഇസ്രയേല് തടസ്സം നില്ക്കുന്നതിനാല് കൃത്യമായ കണക്കുകള് പുറംലോകത്തേക്കെത്തിക്കാന് കഴിഞ്ഞിട്ടില്ലെന്നും ബിബിസി റിപ്പോര്ട്ട് ചെയ്യുന്നു.
(Photo Courtesy : The Economic Times )
ആശുപത്രികളില് രജിസ്റ്റര് ചെയ്ത മരണങ്ങള് മാത്രമാണ് ഇപ്പോള് പുറത്തുവന്നിരിക്കുന്നത്. യുദ്ധത്തില് ഇന്റര്നെറ്റും മറ്റു സംവിധാനങ്ങളും നിലച്ചതോടെ മരണത്തിന്റെ കണക്കുകള് രജിസ്റ്റര് ചെയ്തിരുന്ന കേന്ദ്രീകൃത സംവിധാനങ്ങളും ഉപയോഗശൂന്യമാണ്.
