വിഴിഞ്ഞം : വിഴിഞ്ഞത്ത് വീണ്ടും ഭീമൻ കപ്പലടുത്തു. ലോകത്തെ ഏറ്റവും വലിയ ചരക്ക് കപ്പലുകളിലൊന്നായ . എം എസ് സിയുടെ ‘തുർക്കി’യാണ് വിഴിഞ്ഞത്ത് നങ്കൂരമിട്ടത്. സിംഗപ്പൂരിൽ നിന്നാണ് എം എസ് സി തുർക്കിയുടെ വിഴിഞ്ഞത്തേക്കുള്ള വരവ്.
വിഴിഞ്ഞം തീരമണയുന്ന 257 -ാമത് കപ്പലാണ് എം എസ് സി തുർക്കി. ചരക്ക് ഇറക്കിയ ശേഷം ഘാനയിലേക്കാകും എം എസ് സി തുർക്കിയുടെ യാത്ര. ദക്ഷിണേഷ്യയിലെ ഒരു തുറമുഖത്ത് ആദ്യമായിട്ടാണ് ഈ കപ്പല്‍ എത്തുന്നത്.
പുറമെ, വിഴിഞ്ഞം രാജ്യാന്തര തുറമുഖ പദ്ധതിയുടെ വയബിലിറ്റി ഗ്യാപ് ഫണ്ട് അനുവദിക്കുന്നതിന് കേന്ദ്രസര്‍ക്കാരും അദാനി പോര്‍ട്ടും ബാങ്ക് കണ്‍സോര്‍ഷ്യവും തമ്മിലുള്ള ത്രികക്ഷി കരാർ ഇന്ന് ഒപ്പുവെച്ചു.
