പാലക്കാട്: പാർട്ടി പ്രഖ്യാപിച്ച് ആദ്യമായി തെരഞ്ഞെടുപ്പിനെ നേരിടുന്ന ഘട്ടത്തിൽ തന്നെ പി.വി. അന്വറിന്റെ നേതൃത്വത്തിലുള്ള ഡിഎംകെയിൽ പൊട്ടിത്തെറി. ഡി.എം.കെയുടെ പാലക്കാട് ജില്ല കോഓഡിനേറ്റർ ബി. ഷമീർ സംഘടനയിൽ നിന്ന് രാജിവെച്ചു.
പാലക്കാട്ടെ സ്ഥാനാർത്ഥിയായിരുന്ന മിന്ഹാജിനെ തെരഞ്ഞെടുപ്പിൽ നിന്ന് പിന്വലിക്കാനുള്ള തീരുമാനത്തില് പ്രതിഷേധിച്ചാണ് രാജി. ഡി.എം.കെയിൽ നിന്ന് രാജിവെച്ചശേഷം ഷമീർ സ്വതന്ത്രനായി പത്രിക നൽകി.
ഇതേ സമയം , എൻഡിഎയിലും പൊട്ടിത്തെറിക്ക് പഞ്ഞമില്ല. എൻ.ഡി.എ സ്ഥാനാർത്ഥിനിർണയത്തിൽ അതൃപ്തി പ്രകടിപ്പിച്ച് ബി.ഡി.ജെ.എസ് ജില്ല ഭാരവാഹിയായിരുന്ന എസ്. സതീഷും സ്വതന്ത്രനായി നാമനിർദ്ദേശപത്രിക നൽകി. ഉടനെ ആരോപണങ്ങൾ തള്ളി സംഘടന രംഗത്ത് വന്നു. സതീഷിനെ പുറത്താക്കിയിരുന്നതാണെന്ന് ബി.ഡി.ജെ.എസ് നേതൃത്വം അറിയിച്ചു.
