തിരുവനന്തപുരം : 35 ദിവസമായി സെക്രട്ടറിയേറ്റ് പരിസരത്ത് സമരം നടത്തുന്ന ആശാ വര്ക്കര്മാര്ക്ക് നേരിയ ആശ്വാസം. ആശമാര്ക്ക് ഓണറേറിയം ലഭിക്കുന്നതിന് നിശ്ചയിച്ചിരുന്ന മാനദണ്ഡങ്ങള് സർക്കാർ പിൻവലിച്ചു.
ഓണറേറിയം ലഭിക്കുന്നതിനുള്ള 10 മാനദണ്ഡങ്ങളാണ് സര്ക്കാര് പിന്വലിച്ച് ഉത്തരവ് ഇറക്കിയത്. മാനദണ്ഡങ്ങള് പിന്വലിക്കാന് തീരുമാനിച്ചതായി ആരോഗ്യമന്ത്രി വീണാ ജോര്ജ് കഴിഞ്ഞ ദിവസം നിയമസഭയില് പറഞ്ഞിരുന്നു.
ഓണറേറിയം വര്ദ്ധിപ്പിക്കുക, വിരമിക്കല് ആനുകൂല്യം നല്കുക തുടങ്ങിയ ആവശ്യങ്ങള്ക്കൊപ്പം മാനദണ്ഡങ്ങള് പിന്വലിക്കണമെന്നും ആശ വർക്കർമാർ ആവശ്യപ്പെട്ടിരുന്നു. സർക്കാരിൻ്റ മാനദണ്ഡങ്ങള് സങ്കീര്ണമായതിനാല് ലഭിക്കുന്ന ഓണറേറിയം തുച്ഛമാണെന്നാണ് ആശമാരുടെ പരാതി.
സമരം ആരംഭിച്ചതിനു ശേഷം ഓണറേറിയവും ഇന്സന്റീവ് കുടിശികയും സര്ക്കാര് അനുവദിച്ചിരുന്നു. ഇതിന് പിന്നാലെയാണ് മാനദണ്ഡങ്ങള് പിന്വലിച്ചുള്ള ഉത്തരവും വരുന്നത്.
