കൊച്ചി:കോൺഗ്രസില് അസ്വാരസ്യങ്ങളിലെന്നും സീറ്റിനായി തര്ക്കമില്ലെന്നും വി ഡി സതീശൻ ആവര്ത്തിച്ച് പ്രഖ്യാപിക്കുമ്പോഴും കൊച്ചി സീറ്റിനായി തുടരുന്ന തർക്കത്തിൽ സതീശൻ തന്നെ ഭാഗമാകുന്നു എന്നതാണ് ഏറെ കൗതുകം. കൊച്ചിയിൽ ഡിസിസി പ്രസിഡൻ്റ് മുഹമ്മദ് ഷിയാസിനെ മത്സരിപ്പിക്കണമെന്ന വാശി പിടിച്ച് വി ഡി സതീശൻ തന്നെയാണ് തർക്കത്തിൻ്റെ സൂത്രധാരനാകുന്നത്. മറുഭാഗത്ത് കെ സി വേണുഗോപാലാണ്. ദീപ്തി മേരി വർഗീസിനെ കൊച്ചിയിൽ പരിഗണിക്കണമെന്നാണ് കെ സി വേണുഗോപാലിൻ്റെ വാദം.
അതേസമയം ദീപ്തി മേരി വർഗീസാകട്ടെ, കൊച്ചിയിൽ പോസ്റ്റർ പ്രിന്റ് ചെയ്തു തുടങ്ങിക്കഴിഞ്ഞു. ‘എറണാകുളം ജില്ലയിലെ തൃപ്പൂണിത്തുറ, വൈപ്പിൻ, പെരുമ്പാവൂർ സീറ്റുകളിലും തർക്കത്തിന് ഒട്ടും കുറവില്ല. തിരുവനന്തപുരം സിറ്റ് കോൺഗ്രസ് ആർഎംപിക്ക് വെച്ച് നീട്ടിയതോടെ മണ്ഡലം മോഹിച്ചിരുന്ന ശിവകുമാറും ശബരീനാഥനും അരുവിക്കരക്കായി പോരടിക്കുകയാണ്.
