ബെർലിൻ: യൂറോ കപ്പ് ക്വാർട്ടർ മത്സരങ്ങൾക്ക് തുടക്കമാവുകയാണ്. ലോകതാരങ്ങളുടെ കളി മികവ് തെളിയുന്ന ദിനങ്ങൾ. വമ്പൻ ടീമുകൾ ഏറ്റുമുട്ടുമ്പോൾ ഗ്രൗണ്ടിൽ തീ പാറും.
ജൂലൈ അഞ്ചിന് ക്വാർട്ടറിലെ ആദ്യ മത്സരം സ്പെയിൻ – ജർമ്മനി ഏറ്റുമുട്ടലാണ്. ജോർജിയയെ 4-1ന് തോൽപ്പിച്ചാണ് സ്പെയിൻ ക്വാർട്ടറിലെത്തിയത്. ഡെന്മാർക്കിനെ 2-0ന് പരാജയപ്പെടുത്തിയാണ് ജർമനി ക്വാർട്ടറിലെത്തിയത്.
ജൂലൈ അഞ്ചിന് രാത്രി 12.30ന് പോർച്ചുഗലും ഫ്രാൻസും ഏറ്റുമുട്ടും. സ്ലോവേനിയയെ ഷൂട്ടൗട്ടിൽ (3-0) പരാജയപ്പെടുത്തിയാണ് പോർച്ചുഗലിന്‍റെ വരവ്. ബെൽജിയത്തെ 1-0ന് തോൽപ്പിച്ചാണ് ഫ്രാൻസ് ക്വാർട്ടറിലെത്തിയത്.
ജൂലൈ ആറിന് ഇംഗ്ലണ്ടും സ്വിറ്റ്സർലൻഡും തമ്മിലാണ് മത്സരം. സ്ലൊവാക്യയെ 2-1നാണ് ഇംഗ്ലണ്ട് തോൽപ്പിച്ചത്. നിലവിലെ ചാമ്പ്യന്മാരായ ഇറ്റലിയെ 2-0ന് തകർത്താണ് സ്വിറ്റ്സർലൻഡിന്‍റെ വരവ്.
ജൂലൈ ആറ് രാത്രി 12.30ന് അവസാന ക്വാർട്ടർ മത്സരത്തിൽ നെതർലൻഡ്സും തുർക്കിയയും മത്സരിക്കും. റൊമാനിയയെ 3-0ന് തുരത്തിയാണ് നെതർലൻഡ്സിന്‍റെ വരവ്. ഓസ്ട്രിയയെ 1-0ന് പരാജയപ്പെടുത്തിയാണ് തുർക്കിയ അവസാന എട്ടിൽ ഇടംപിടിച്ചത്.
ജൂലൈ ഒമ്പതിന് രാത്രി 12.30നും, 10ന് രാത്രി 12.30നുമാണ് സെമി ഫൈനൽ മത്സരങ്ങൾ. ജൂലൈ 14 രാത്രി 12.30നാണ് ഫൈനൽ മത്സരം
