കോപ്പ അമേരിക്ക ഫുട്ബാൾ മത്സരങ്ങൾ കാണാൻ ഇന്ത്യയിലെ ഫുട്ബാൾ പ്രേമികൾക്ക് അവസരമില്ല. മത്സരങ്ങൾ രാജ്യത്ത് ഒരു ചാനലും ആപ്പും തത്സമയം സംപ്രേഷണം ചെയ്യുന്നില്ല. ഫാൻകോഡ് ആപ്പിൽ സംപ്രേഷണമുണ്ടാകുമെന്ന് നേരത്തേ അറിയിച്ചിരുന്നുവെങ്കിലും അവരും ഒരു ക്ഷമാപണത്തോടെ പിന്മാറി.
സോണി സ്പോർട്സ് നെറ്റ്വർക്കിന് കീഴിലെ ചാനലുകളിലും സോണി ലിവ് ആപ്പിലുമാണ് യൂറോ മത്സരങ്ങളുടെ തത്സമയ സംപ്രേഷണം. കോപ്പ മത്സരങ്ങളും സോണി സ്പോർട്സ് കാണിക്കുമെന്ന് റിപ്പോർട്ടുകളുണ്ടായിരുന്നു. എന്നാൽ, ഇന്ത്യയിൽ സംപ്രേഷണമുണ്ടാകില്ലെന്ന് ഇവരും സ്ഥിരീകരിച്ചു.
മത്സരം ഇന്ത്യയില് സംപ്രേഷണം ചെയ്യുന്നത് സംബന്ധിച്ച് ഇതുവരെ തീരുമാനകാത്തത് ഇന്ത്യയിലെ ഫുട്ബോള് ആരാധകരെ നിരാശരാക്കി. സ്പോർട്സ്റ്റാർ വെബ്സൈറ്റിലെ തത്സമയ ബ്ലോഗുകളിലൂടെയാണ് ഇന്ത്യയിൽ സ്കോറുകളും ലൈവ് മാച്ച് കമൻ്ററിയും പലരും പിന്തുടരുന്നത്.
